Ողջունում եմ Ձեզ Հայաստանի արհմիությունների կոնֆեդերացիայի ինտերնետային կայքում:
Էլեկտրոնային հաղորդակցության այս միջոցը հրաշալի հնարավորություն է արհմիությունների գործառույթներին, իրականացվող ծրագրերին և միջոցառումներին տեղեկանալու և հետադարձ կապի միջոցով մասնակցային գործընթաց ապահովելու համար: Մեր կայքում Դուք կգտնեք անհրաժեշտ տեղեկություններ աշխատողի շահերի պաշտպանությանն առնչվող օրենսդրական, իրավական ակտերի ու նախագծերի մասին: Էլեկտրոնային ընդունարանը հնարավորություն կտա Ձեզ հետաքրքրող հարցերի վերաբերյալ ուղարկել դիմումներ և ստանալ պատասխաններ: Հուսով եմ, որ մեր կայքն իր մատչելիությամբ և ժամանակակից գործիքներով կդառնա տեղեկատվական լավագույն աղբյուր բոլոր օգտագործողների համար:
Հայաստանի արհմիությունների կոնֆեդերացիայի նախագահ՝ Է. Թումասյան
Հուլիսի 21-ին Հայաստանի Հանրապետությունում նշվում է Հանքագործի և մետալուրգի օրը:
Հայաստանի արհմիությունների կոնֆեդերացիան շնորհավորում է Հայաստանի լեռնագործների, մետաղագործների և ոսկերիչների արհեստակցական կազմակերպության ճյուղային հանրապետական միությանը, արհմիության անդամներին և համակարգի աշխատողներին մասնագիտական տոնի՝ Հանքագործի և մետալուրգի օրվա առթիվ, մաղթում հաջողություններ և նորանոր ձեռքբերումներ ոլորտի աշխատողների սոցիալ-տնտեսական խնդիրների, նրանց համար բարեկեցիկ պայմանների ապահովման գործում:
Հանքարդյունաբերության ոլորտը Հայաստանի տնտեսության առաջատար ճյուղերից է, որում առկա ներուժը բացառիկ ազդեցություն է թողնում երկրում տնտեսական աճի, աշխատատեղերի ստեղծման, օտարերկրյա ներդրումների, ինչպես նաև տարածաշրջանի զարգացման վրա: Այս ոլորտում զբաղված են հազարավոր աշխատողներ, ովքեր պատվով են կատարում իրենց գործը: Նրանց քրտնաջան աշխատանքի շնորհիվ է, որ հանքարդյունաբերությունը շարունակում է մնալ Հայաստանի տնտեսության ռազմավարական նշանակություն ունեցող ճյուղերից մեկը:
Այսօր մոլորակն ապրում է մի այնպիսի ժամանակահատվածում, երբ կորոնավիրուսի համավարակի հետևանքով ինչպես բոլոր երկրների, այնպես և Հայաստանի տնտեսությունը զգալի կորուստներ է արձանագրում: Տնտեսական անկման կանխատեսումների ամբողջական պատկերը դեռևս տեսանելի չէ, կառավարությունների կողմից ձեռնարկած երկարատև միջոցառումները կամա թե ակամա զգալի բացասական ազդեցություն են ունենում ընդհանուր տնտեսական և սոցիալական բարեկեցության վրա (գործազրկության մակարդակի աճ և ընկերությունների սնանկացումներ): Սակայն մարդկությունը միասնական ուժերով կհաղթահարի այս համավարակը:
Հարգելի լեռնագործներ և մետալուրգներ, կրկին շնորհավորելով մասնագիտական տոնի առթիվ, մաղթում եմ ձեզ արժանապատիվ աշխատանք, հանուն որի Հայաստանի լեռնագործների, մետաղագործների և ոսկերիչների արհեստակցական կազմակերպության ճյուղային հանրապետական միությունը հետևողական ջանքեր է գործադրում, մաղթում եմ առողջություն և բարեկեցություն` ձեզ և ձեր ընտանիքներին:
Հայաստանի արհմիությունների
կոնֆեդերացիայի նախագահ ԷԴՈՒԱՐԴ ԹՈՒՄԱՍՅԱՆ
10 Հուլիս, 2020
Համավարակը խորացնում է զբաղվածության ոլորտում առկա ճգնաժամը
Օրերս <Ինդուստրիալ Գլոբալ Յունիոն> միջազգային կազմակերպությունը COVID-19 համաճարակի և աշխատանքի շուկային վերաբերող հարցերի շուրջ կազմակերպել էր տեսահանդիպում, որին մասնակցում էին տարբեր երկրների՝ հանքարդյունաբերության, մեքենաշինության և քիմիայի արդյունաբերության ոլորտի արհմիութենական շուրջ 20 /Շվեցարիա,...
Համավարակի ընթացքում աշխատավայրում աշխատանքի անվտանգության և առողջության պահպանմանն ուղղված միջոցառումներ:
18 Հունիս, 2020
Հունիսի 21-ը նշվում է որպես Բուժաշխատողի օր
Շ Ն Ո Ր Հ Ա Վ Ո Ր Ա Ն Ք
«Բուժաշխատողի օրվա» կապակցությամբ
Հայաստանի արհմիությունների կոնֆեդերացիան շնորհավորում է Առողջապահության աշխատողների արհեստակցական կազմակերպությունների ճյուղային հանրապետական միությանը, արհմիության անդամներին և համակարգի աշխատողներին մասնագիտական տոնի՝ <Բուժաշխատողի օրվա> կապակցությամբ, մաղթում հաջողություններ, նորանոր ձեռքբերումներ բուժաշխատողների սոցիալ-տնտեսական, նրանց բարեկեցիկ կյանքի պայմանների բարելավման ճանապարհին:
Նոր կորոնավիրուսի՝ Covid-19-ի համավարակը փոխել է մոլորակի կյանքը: Այս օրերին մարդկության ռեսուրսներն ուղղված են Covid-19-ի դեմ պայքարին, որի առաջնագծում իրենց առողջությունն ու կյանքը վտանգելով պայքարում են բուժաշխատողները:
Ժամանակը ցույց տվեց, որ Հայաստանի Հանրապետությունում աշխատում են շատ բարձր պատրաստվածությամբ բժիշկներ, ում համար գերակա շահը քաղաքացու առողջությունն է: Համավարակի ընթացքում նրանց աշխատանքն առավելագույնս արժևորվեց: Ցուցաբերելով քաջություն և համառություն բուժաշխատողներն ամիսներ շարունակ պայքարում են համաճարակի դեմ՝ արդարացիորեն արժանանալով կառավարության և հանրության բարձր գնահատանքին:
Բժշկի մասնագիտությունը ապրելակերպ է, որը պահանջում է մեծ նվիրում, հոգատարություն, ուշադրություն, և որ ամենակարևորն է՝ անսխալ աշխատանք: Համոզված եմ, որ բուժաշխատողների բարձր պրոֆեսիոնալիզմը հիմք կհնադիսանա ոլորտում իրականացվող բարեփոխումների համար, որոնք կապահովեն կյանքի որակի բարելավում, այն է՝ աշխատանքային պայմանների բարեկարգում և արժանապատիվ աշխատավարձ:
Կրկին շնորհավորում եմ բոլոր բուժաշխատողներին` մասնագիտական տոնի կապակցությամբ, ցանկանում ուժ, անսպառ բարություն, կամք ու տոկունություն, որպեսզի կարողանան միշտ բարձր պահել բուժաշխատողի պատիվը:
Լավագույն մաղթանքներով՝
Հայաստանի արհմիությունների
Կոնֆեդերացիայի նախագահ ԷԴՈՒԱՐԴ ԹՈՒՄԱՍՅԱՆ
17 Հունիս, 2020
Էլեն Մանասերյան. «Աշխատանքային հարաբերություններում շատ հարցեր լուծվեցին կոլեկտիվ բանակցությունների միջոցով»
Արտակարգ դրության պայմաններում աշխատողների աշխատանքային իրավունքների խախտման, չվճարվող աշխատավարձերի, հարկադիր պարապուրդի պայմաններում գործատու-աշխատող աշխատանքային հարաբերություններում ծագած խնդիրների, ինչպես նաև Աշխատանքային օրենսգրքի բացերի և ոլորտում անհրաժեշտ փոփոխությունների շուրջ...
Համավարակի ժամանակ իրազեկված լինելը աշխատողի համար պարտադիր է
06 Մայիս, 2020
ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ ԿՈՆՖԵԴԵՐԱՑԻԱՅԻ ՇՆՈՐՀԱՎՈՐԱԿԱՆ ՈՒՂԵՐՁԸ
ՀԱՅՐԵՆԱԿԱՆ ՄԵԾ ՊԱՏԵՐԱԶՄՈՒՄ ՀԱՂԹԱՆԱԿԻ 75-ԱՄՅԱԿԻ
ԿԱՊԱԿՑՈՒԹՅԱՄԲ
2020 թվականի մայիսի 9-ին նշվում է Հայրենական մեծ պատերազմում տարած հաղթանակի 75-ամյակը: Մեծ հաղթանակի ամենամյա տոնակատարությունն ԱՊՀ երկրներում կրում է համազգային բնույթ, հաղթանակ, որի գլխավոր հերոսները եղել և մնում են պատերազմին մասնակցած, իրենց սխրանքով անմահացած միլիոնավոր մարդիկ, ում առաջ մենք անհատուցելի պարտք ունենք։ Հենց նրանք են մեր ընդհանուր պատմության արդեն հեռու, բայց հերոսական էջերի այն գործող անձիք, ովքեր պարգևեցին մեզ այդ փառավոր հաղթանակը։ Ամբողջ առաջադեմ մարդկության համար նրանք պետք է լինեն բարոյական ուղեցույց և շարժիչ ուժ՝ խաղաղության համար մղվող պայքարում:
Հայրենական մեծ պատերազմում ֆաշիզմի դեմ տարած հաղթանակում իր արժանի ավանդն ունեցավ նաև հայ ժողովուրդը, որն Ավարայրից սկսած մինչև Սարդարապատ, Սարդարապատից Մեծ հայրենական ու բերդաքաղաք Շուշիի ազատագրումը իր քաջարի ռազմիկների անձնուրաց նվիրվածության ու աննախադեպ հաղթանակների շնորհիվ ստեղծեց ամուր ու հզոր երկիր:
Մայիսը մեզ պարգևել է ամենաթանկ հաղթանակները, նաև այն անխախտ համոզմունքը, որ օրհասական պահերին հայը կարող է համախմբվել, բռունցք դառնալ ու պաշտպանել հող հայրենին: Հաղթել ենք, քանի որ արդար է եղել մեր կռիվը, իսկ խիղճը` մաքուր:
Այսօր գնահատանքի ու երախտագիտության զգացումով գլուխ ենք խոնարհում այն քաջորդիների հիշատակի առաջ, ովքեր Մեծ հայրենականի և Արցախյան հերոսամարտի ժամանակ զոհաբերեցին իրենց կյանքը` հանուն ազատ և անկախ երկրում արժանապատիվ ապրելու իրավունքի: Մայիսյան հաղթանակները հայ ժողովրդի համար խաղաղություն և ազատություն բերող հաղթանակներ էին: Եվ այսօր, այս տեսանկյունից իմաստավորելով մեր պատմական հաղթանակները, այնքան թանկ գնով ձեռք բերված խաղաղությունը հնարավոր է պահպանել միայն մեր միասնությամբ ու համախմբվածությամբ:
Մայիսի 9-ը սրբազան ու պարտավորեցնող տոն է, սերունդների պատմական հաղթանակների միասնական տոն: Գլուխ խոնարհելով մեր հաղթանակների ճանապարհին հերոսաբար ընկածների անմար հիշատակի ու նաև այդ հերոսական իրադարձությունների վկա մեր վետերաների առաջ՝ պարտավոր ենք իրականություն դարձնել մեր երկրի ու ժողովրդի համար ապահով ու բարեկեցիկ ապագա ստեղծելու նրանց դարավոր երազանքը:
Շնորհավորելով Հաղթանակի տոնի առթիվ` բոլորին մաղթում եմ քաջառողջություն, թող մեր նախնիների սխրանքի շնորհիվ ձեռք բերած փառապանծ հաղթանակները զորավիգ լինեն մեզ՝ մեր խաղաղ և հուսալի վաղվա օրը կերտելու գործում:
