«ՆԶՊ» առարկա դասավանդող մի շարք ուսուցիչներ ատեստավորման արդյունքով ուսուցչի դրույքաչափի և դրան հատկացվող հավելավճարի տրամադրման կարգի շուրջ առաջացած հարցերով 2023 թվականի դեկտեմբերին դիմել էին Հայաստանի արհմիությունների կոնֆեդերացիա (ՀԱՄԿ)։
Ուսուցիչների դիմումների հիման վրա ՀԱՄԿ-ը ՀՀ ԿԳՄՍ նախարարությանը գրությամբ խնդրել էր պարզաբանել «ՆԶՊ» առարկա դասավանդող ուսուցիչների ատեստավորման արդյունքով ուսուցչի դրույքաչափի սահմանման և դրան հատկացվող հավելավճարի հաշվարկման կարգը, քանի որ նրանց դեպքում դրույքաչափը բարձրանում է «Ուսուցիչների կամավոր ատեստավորման, կամավոր ատեստավորման արդյունքով ուսուցչի դրույքաչափի և դրան հատկացվող հավելավճարի տրամադրման, կամավոր ատեստավորման հանձնաժողովի ձևավորման կարգը հաստատելու» 2022 թվականի ապրիլի 28-ի ՀՀ կառավարության N 596-Ն որոշման համաձայն՝ դառնալով 200000 ՀՀ դրամ։ «ՆԶՊ» առարկա դասավանդող կամավոր ատեստավորված ուսուցիչների համար նախատեսված հավելավճարի հաշվարկման նպատակով 200000 ՀՀ դրամը բաժանվում է 22 դասաժամի, մինչդեռ այդ ուսուցիչները վճարվում են այլ դրույքաչափով (11 ժամը՝ մեկ դրույք)։
 Ի պատասխան ՀԱՄԿ-ի գրության՝ ՀՀ ԿԳՄՍ նախարարությունը տրամադրել է պարզաբանում, որին կարող եք ծանոթանալ ստորև.