2018 թվականի դեկտեմբերի 3-ին Միավորված ազգերի կազմակերպության Գլխավոր ասամբլեան հունվարի 24-ը հռչակեց որպես Կրթության միջազգային օր՝ ի նշան կրթության խաղաղության և զարգացման կարևոր դերի:
Կրթության իրավունքն ամրագրված է Մարդու իրավունքների համընդհանուր հռչակագրի 26-րդ հոդվածում։
Ներկայումս աշխարհում 258 միլիոն երեխա և երիտասարդ չեն սովորում դպրոցում, 617 միլիոն մեծահասակ չունի կարդալու և մաթեմատիկական տարրական հմտություններ:
Հայաստանի Հանրապետության հանրակրթության համակարգում համախառն ընդգրկվածության մակարդակը վերջին տարիներին կազմել է միջինը մոտ 90%, մինչդեռ ընդգրկվածությունը միջնակարգ կրթության բարձր դասարաններում կազմում է մոտ 74%։
Առանց ապահովելու հավասար որակյալ կրթություն և ցկյանս ուսուցման հնարավորություն բոլորի համար, որևէ երկիր չի կարող հասնել սոցիալական կայունության և արժանապատիվ աշխատանքային միջավայրի:
