Հաստատվել է
ՀԱՄԿ-ի խորհրդի
2013թ. մարտի 29-ի
N 1-6 որոշմամբ
ԿԱՐԳ
ՀԱՄԿ-ի ԿԱԶՄՈՒՄ ՆՈՐ ՃՅՈՒՂԱՅԻՆ ՄԻՈՒԹՅԱՆ ԸՆԴՈՒՆՄԱՆ
ԵՎ ՀԱՄԿ-ի ԿԱԶՄԻՑ ՀԵՌԱՑՄԱՆ
1. ՀԱՄԿ-ի կազմում ընդունվելու համար ՀԱՄԿ-ի նախագահի անունով արհեստակցական կազմակերպությունների ճյուղային հանրապետական միությունը (հետագայում՝ ՃՀՄ) ներկայացնում է գրավոր դիմում կցելով.
ա) ՃՀՄ-ի համապատասխան մարմնի որոշումը ՀԱՄԿ-ի կազմում ընդունվելու մասին,
բ) ՀՀ իրավաբանական անձանց պետական ռեգիստրի կենտրոնական մարմնի կողմից գրանցված ՃՀՄ-ի կանոնադրության պատճենը,
գ) ՃՀՄ-ի պետական գրանցման վկայականի պատճենը ,
դ) տեղեկանք ՃՀՄ-ի կազմում միավորված անդամ կազմակերպությունների և արհեստակցական միությունների, ինչպես նաև արհմիության անդամների թվի մասին,
ե) համապատասխան բանկի տեղեկանքը ՃՀՄ-ի հաշվարկային հաշվում (հաշիվներում) ֆինանսական միջոցների մասին:
2. Արհեստակցական կազմակերպությունների ճյուղային հանրապետական միության դիմումը քննարկվում է ՀԱՄԿ-ի գործկոմի նիստում` երեսուն օրվա ընթացքում, այնուհետև ներկայացվում է ՀԱՄԿ-ի խորհրդի հաստատմանը:
3. Ճյուղային հանրապետական միությունը ՀԱՄԿ-ին մուծում է մուտքի վճար` սահմանված նվազագույն աշխատավարձի երեքհարյուրապատիկի չափով:
Մուտքի վճարը կատարվում է ամբողջությամբ ՀԱՄԿ-ի խորհրդի կողմից գործկոմի որոշումը հաստատելուց հետո, երեք աշխատանքային օրվա ընթացքում:
Մուտքի վճարը ուշացնելու կամ ամբողջությամբ չվճարելու դեպքում կիրառվում է ՀԱՄԿ-ի կանոնադրության հոդված 17-ը:
4. ՀԱՄԿ-ի անդամ ՃՀՄ-ն ՀԱՄԿ-ի կազմից հեռացվում է ՀԱՄԿ-ի խորհրդի որոշմամբ` ՀԱՄԿ-ի կանոնադրության պահանջները խախտելու, այդ թվում չորս ամսվա ընթացքում անդամավճար չմուծելու դեպքում:
5. ՀԱՄԿ-ի անդամ ՃՀՄ-ի ղեկավար մարմնի որոշումը ՀԱՄԿ-ի կազմից դուրս գալու մասին քննարկվում է ՀԱՄԿ-ի գործկոմում, այնուհետև ՀԱՄԿ-ի խորհրդում, որն ընդունում է համապատասխան որոշում:
6. ՀԱՄԿ-ի կազմից կամովին դուրս գալուց կամ հեռացվելուց հետո ՃՀՄ-ին չեն վերադարձվում ՀԱՄԿ-ին մուծած մուտքի վճարի և անդամավճարի գումարները:
