Երևան, 13.04.2021
naxagah

ՀԱՐԳԵԼԻ ԲԱՐԵԿԱՄ

Ողջունում եմ Ձեզ Հայաստանի արհմիությունների կոնֆեդերացիայի ինտերնետային կայքում:

Էլեկտրոնային հաղորդակցության այս միջոցը հրաշալի հնարավորություն է արհմիությունների գործառույթներին, իրականացվող ծրագրերին և միջոցառումներին տեղեկանալու և հետադարձ կապի միջոցով մասնակցային գործընթաց ապահովելու համար: Մեր կայքում Դուք կգտնեք անհրաժեշտ տեղեկություններ աշխատողի շահերի պաշտպանությանն առնչվող օրենսդրական, իրավական ակտերի ու նախագծերի մասին: Էլեկտրոնային ընդունարանը հնարավորություն կտա Ձեզ հետաքրքրող հարցերի վերաբերյալ ուղարկել դիմումներ և ստանալ պատասխաններ: Հուսով եմ, որ մեր կայքն իր մատչելիությամբ և ժամանակակից գործիքներով կդառնա տեղեկատվական լավագույն աղբյուր բոլոր օգտագործողների համար:

Հայաստանի արհմիությունների կոնֆեդերացիայի նախագահ՝ Է. Թումասյան

Կայքի հին տարբերակը

24 Մարտ, 2021

ՄՐՑՈՒՅԹԻ ՀԱՅՏԱՐԱՐՈՒԹՅՈՒՆ

‹‹Կովիդ-19 համաճարակը և ոչ ֆորմալ զբաղվածությունը ՀՀ-ում. արհմիությունների տեսլականը›› հետազոտություն իրականացնելու նպատակով փորձագետի ընտրության մրցույթ

 Աշխատանքի միջազգային կազմակերպությունը (ԱՄԿ) Հայաստանի արհմիությունների կոնֆեդերացիայի (ՀԱՄԿ) հետ համատեղ իրականացնում է հետազոտություն ‹‹Կովիդ-19 համաճարակը և ոչ ֆորմալ զբաղվածությունը ՀՀ-ում. արհմիությունների տեսլականը››:

 Հետազոտությունը կիրականացվի ազգային փորձագետի կողմից:

 Ազգային փորձագետի ընտրությունը կիրականացվի ԱՄԿ-ի կողմից՝ մրցույթով:

 Մրցույթին մասնակցել ցանկացողները պետք է ներկայացնեն ինքնակենսագրություն /անգլերեն լեզվով/, ինչպես նաև նմանատիպ հետազոտություններ կամ վերլուծություններ իրականացնելու մասին տեղեկատվություն (տպագիր նյութեր, էլեկտրոնային հղումներ):

 Աշխատանքն իրականացնելու համար փորձագետին կտրվի քսան աշխատանքային օր՝ վճարովի ծառայությունների մատուցման պայմանագրի կնքման օրվանից, հետազոտության ծավալը՝ 30-35 էջ, լեզուն՝ հայերեն: Հետազոտությունը կներկայացվի տեսակոնֆերանսի միջոցով:

 Ազգային փորձագետի համար անգլերեն և ռուսերեն լեզուների իմացությունը պարտադիր է:

 Մրցույթին մասնակցել ցանկացողները կարող են անհրաժեշտ փաստաթղթերը ներկայացնել մինչև 2021թ. մարտի 31-ը hamk@hamk.am էլեկտրոնային հասցեով:

 Լրացուցիչ տեղեկությունների համար դիմել ՀԱՄԿ-ի Կազմակերպաուսումնական կենտրոն (հեռ. 010 520445):

17 Մարտ, 2021

ՎԵԲԻՆԱՐ ՀԱՄԿ-Ի ԽՈՐՀՐԴԻ ԵՐԻՏԱՍԱՐԴՈՒԹՅԱՆ ՀԱՐՑԵՐՈՎ ՄՇՏԱԿԱՆ ԳՈՐԾՈՂ ՀԱՆՁՆԱԺՈՂՈՎԻ ԱՆԴԱՄՆԵՐԻ ՄԱՍՆԱԿՑՈՒԹՅԱՄԲ ՈՒԿՐԱԻՆԱ-ՀԱՅԱՍՏԱՆ

ՎԵԲԻՆԱՐ ՀԱՄԿ-Ի ԽՈՐՀՐԴԻ ԵՐԻՏԱՍԱՐԴՈՒԹՅԱՆ ՀԱՐՑԵՐՈՎ  ՄՇՏԱԿԱՆ ԳՈՐԾՈՂ   ՀԱՆՁՆԱԺՈՂՈՎԻ ԱՆԴԱՄՆԵՐԻ ՄԱՍՆԱԿՑՈՒԹՅԱՄԲ ՈՒԿՐԱԻՆԱ-ՀԱՅԱՍՏԱՆ

 ՀԱՄԿ-ի կազմակերպաուսումնական կենտրոնի և Ուկրաինայի ‹‹Սոլիդարնոստ Կենտրոնի›› ( ‹‹Սոլիդարնոստ Կենտրոնի›› ծրագրերի համակարգող - Տետիանա Սոլոդովնիկ) համագործակցությամբ 2021թ. մարտի 13-ին տեղի ունեցավ առցանց հանդիպում «Արհմիութենական արժեքներ. Արհմիութենական շարժման պատմություն և հեռանկարներ»...

11 Մարտ, 2021

ՏԵՂԵԿԱՏՎՈՒԹՅՈՒՆ

 

 2021 թվականի մարտի 05-ին տեղի ունեցավ Հայաստանի տրանսպորտի և հաղորդակցության աշխատողների արհեստակցական կազմակերպությունների ճյուղային հանրապետական միության արտահերթ համագումարը:

 Համագումարի աշխատանքներին մասնակցում էր ՀԱՄԿ-ի նախագահի տեղակալ Խաչիկ Առաքելյանը:

 Համագումարում բացման խոսքով հանդես եկավ Հայաստանի տրանսպորտի և հաղորդակցության աշխատողների արհեստակցական կազմակերպությունների ճյուղային հանրապետական միության նախագահի ժամանակավոր պաշտոնակատար Լիլիթ Կարապետյանը, այնուհետև հանդես  եկավ  հաշվետու զեկույցով:

 Լիլիթ Կարապետյանը համագումարի պատվիրակներին ներկայացրեց ՃՀՄ-ի ֆինանսական հաշվետությունը, որից հետո ծավալվեց մտքերի փոխանակում: Ընտրվեցին ճյուղային միության ղեկավար մարմիններ՝ նախագահության անդամներ և վերստուգիչ հանձնաժողովի կազմը:

 Հայաստանի տրանսպորտի և հաղորդակցության աշխատողների արհեստակցական կազմակերպությունների ՃՀՄ-ի արտահերթ համագումարում միաձայն ՃՀՄ նախագահ ընտրվեց Լիլիթ Կարապետյանը:

05 Մարտ, 2021

04 Մարտ, 2021

ՀՀ-ԵՄ Համապարփակ և ընդլայնված գործընկերության համաձայնագրի ուժի մեջ մտնելուն նվիրված միջոցառում ԱԳՆ-ում

  Մարտի 4-ին ԱԳՆ-ում տեղի ունեցավ ՀՀ-ԵՄ Համապարփակ և ընդլայնված գործընկերության համաձայնագրի ուժի մեջ մտնելուն նվիրված միջոցառում, որին ներկա էին ՀՀ գործադիր և օրենսդիր մարմինների ներկայացուցիչներ, ՀՀ-ում հավատարմագրված դիվանագիտական ներկայացուցչությունների ղեկավարներ, քաղաքացիական հասարակության անդամներ։ Միջոցառմանը հրավիրված...

22 Փետրվար, 2021

Կայացավ Կրթության և գիտության աշխատողների ՃՀՄ-ի 5-րդ համագումարը

Կայացավ Կրթության և գիտության աշխատողների ՃՀՄ-ի 5-րդ համագումարը

 2021 թվականի փետրվարի 20-ին տեղի ունեցավ Հայաստանի կրթության և գիտության աշխատողների արհեստակցական կազմակերպությունների ճյուղային հանրապետական միության 5-րդ համագումարը:  Համագումարի 95 պատվիրակից մասնակցում էր 92-ը:  Համագումարի աշխատանքներին մասնակցում էր ՀԱՄԿ-ի նախագահ Էդուարդ Թումասյանը:  Համագումարում բացման...

19 Փետրվար, 2021

Հանդիպում ՀՀ-ում Բելառուսի դեսպանատանը

 Փետրվարի 18-ին Հայաստանի Հանրապետությունում Բելառուսի նորանշանակ արտակարգ և լիազոր դեսպան Ալեքսանդր Կոնյուկի հրավերով տեղի է ունեցել հանդիպում Հայաստանի արհմիությունների կոնֆեդերացիայի նախագահ Էդուարդ Թումասյանի հետ:

 Դեսպանը Էդուարդ Թումասյանին փոխանցել է Բելառուսի արհմիությունների կոնֆեդերացիայի նախագահ Միխայիլ Օրդայի ջերմ ողջույնները:

 Զրույցի ընթացքում Ալեքսանդր Կոնյուկը կարևորել է արհմիությունների դերը աշխատողների աշխատանքային իրավունքների և մարդու իրավունքների պաշտպանության գործում:

 Զրուցակիցներն արձանագրել են, որ Հայաստանի և Բելառուսի արհմիությունները համագործակցության մեծ ներուժ ունեն և հույս հայտնել, որ երկուստեք ջանքեր կգործադրեն հարաբերությունների հետագա զարգացման և առաջընթացի համար։

 ՀԱՄԿ-ի նախագահ Էդուարդ Թումասյանը շնորհակալություն է հայտնել ջերմ ընդունելության համար և շնորհավորել դեսպանին նշանակման առթիվ: Իր խոսքում նա ներկայացրել է Հայաստանի արհմիությունների կոնֆեդերացիայի կառուցվածքային համակարգը, միաժամանակ ընդգծել, որ կնպաստի Հայաստանի և Բելառուսի արհմիությունների փոխգործակցության մակարդակի բարձրացմանը: