ՀԱՄԿ-ի աջակցությամբ «Մաքուր երկաթի գործարան» ԲԲԸ-ի արհեստակցական կազմակերպությունը Երևան քաղաքի առաջին ատյանի դատարանում հաղթել էր «Մաքուր երկաթի գործարան» ԲԲԸ-ի արհեստակցական կազմակերպության նախագահի իրավունքները սահմանափակող գործողության նկատմամբ դատական  գործը։ 2023 թվականից ընկերության ղեկավարությունն արգելում էր արհեստակցական կազմակերպության նախագահին մուտք գործել ընկերության տարածք արհեստակցական կազմակերպության նախագահի իրավունքների և պարտականությունների իրականացման համար: Երևանի ընդհանուր իրավասության քաղաքացիական դատարանը բավարարել էր հայցը հօգուտ արհեստակցական կազմակերպության՝ պարտավորեցնելով «Մաքուր երկաթի գործարան» ԲԲԸ-ին երկուշաբթիից ուրբաթ՝ ժամը 09:00-ից 18:00-ն, արհեստակցական կազմակերպության  նախագահին թույլատրել անարգել մուտք գործել ընկերության տարածք։

Վերոնշյալ վճիռը «Մաքուր երկաթի գործարան» ԲԲԸ-ի կողմից բողոքարկվել էր վերաքննիչ դատարան և, 2025 թվականի մայիսի 6-ին, դատարանը մերժել է բողոքը՝ դատական վճիռը թողնելով ուժի մեջ։

Այս հաղթանակը առաջինն է, որը վերաբերում է արհեստակցական կազմակերպության նախագահի իրավունքների և լիազորությունների իրացմանը։