2023թ. հունվարի 28-ին տեղի ունեցավ Հայաստանի արհմիությունների կոնֆեդերացիայի աշխատանքային հարաբերություններում հավասարության հարցերով հանձնաժողովի առաջին նիստը:
Ողջույնի խոսքով հանդես եկավ ՀԱՄԿ-ի նախագահ Էլեն Մանասերյանը:
Հանձնաժողովն իրականացրեց նախագահի և նախագահի տեղակալների ընտրություն:
ՀԱՄԿ-ի աշխատանքային հարաբերություններում հավասարության հարցերով հանձնաժողովի նախագահի միակ թեկնածուն առաջադրվեց Լիանա Ամիրաղյանը (Առևտրի և հասարակական սննդի, սպառկոոպերացիայի և ձեռներեցության արհեստակցական կազմակերպությունների Ճյուղային Հանրապետական միություն), ով բաց քվեարկության արդյունքում ընտրվեց միաձայն:
Բաց քվեարկությամբ նախագահի տեղակալներ ընտրվեցին Վահագն Մելիքյանը (Առողջապահության աշխատողների արհմիությունների Ճյուղային Հանրապետական միություն) և Վալյա Վարդանյանը (Կոմունալ - բնակարանային տնտեսության և ծառայությունների ոլորտի աշխատողների արհեստակցական կազմակերպությունների Ճյուղային Հանրապետական միություն):
Ընտրությունների ավարտին ՀԱՄԿ-ի աշխատանքային հարաբերություններում հավասարության հարցերով հանձնաժողովի նորընտիր նախագահ Լ. Ամիրաղյանը շնորհակալություն հայտնեց ցուցաբերած վստահութան համար և հավաստիացրեց, որ հանձնաժողովն իր գործունեությամբ կաշխատի հնարավորինս նվազեցնել աշխատանքային իրավահարաբերություններում առկա խտրականությունը և անհավասար վերաբերմունքը: Եզրափակիչ խոսքով հանդես եկան ՀԱՄԿ-ի նախագահ Էլեն Մանասերյանը և Ուսումնահետազոտական կենտրոնի ղեկավար Վարդուհի Բրուտյանը, ովքեր աշխատանքային հարաբերություններում հավասարության հարցերով հանձնաժողովին շնորհավորեցին կայացած ընտրությունների կապակցությամբ և մաղթեցին արդյունավետ աշխատանք:
