Սոցիալական արդարությունը սոցիալական կայունության և գլոբալ բարեկեցության հիմքը:
Հայաստանի արհմիությունների կոնֆեդերացիայի ու Աշխատանքի և սոցիալական հարցերի նախարարության համագործակցությամբ փերտրվարի 20-ին տեղի է ունեցել «Սոցիալական արդարությունը Հայաստանում» թեմայով կլոր-սեղան քննարկում:
Միջոցառմանը ելույթներով հանդես են եկել Աշխատանքի և սոցիալական հարցերի նախարարի տեղակալ Ռուբեն Սարգսյանը, ԱԺ աշխատանքի և սոցիալական հարցերի մշտական հանձնաժողովի պատգամավոր Զարուհի Բաթոյանը, Հայաստանի արհմիությունների կոնֆեդերացիայի նախագահ Էլեն Մանասերյանը, Աշխատանքի միջազգային կազմակերպության ազգային համակարգող Նունե Հովհաննիսյանը:
Անդրադառնալով օրվա խորհրդին՝ Էլեն Մանասերյանն իր ելութում ընդգծեց Հայաստանի Հանրապետության՝ սոցիալական արդարության կոալիցիային պաշտոնապես միանալուց հետո առաջին համատեղ պաշտոնական միջոցառման կարևորությունը: Հայաստանի արհմիությունների կոնֆեդերացիայի նախագահը նշեց, որ չնայած նրան, որ այս օրը նշում ենք գլոբալ ճգնաժամերի ֆոնին, կարևոր է արդար և հավասար պայմանները բոլորի համար, և սոցիալական արդարության հասնելու ճանապարհին չեն կարող ուշադրությունից դուրս մնալ աշխատավայրում առողջ և անվտանգ պայմանները, աշխատողների համար հավասար իրավունքներն և հավասար հնարավորությունները, Արցախից բռնի տեղահանվածների համար անխտրական միջավայրի ձևավորումը:
Քննարկման շրջանակում անդրադարձ է կատարվել նաև աշխատանքային և սոցիալական իրավունքների պաշտպանության մեխանիզմներին, Հայաստանում աշխատանքային իրավունքների պաշտպանվածության վիճակին և օրենդրական փոփոխություներին:
