2024թ դեկտեմբերի 26-ին տեղի ունեցավ Հայաստանի արհմիությունների կոնֆեդերացիայի խորհրդի նիստ, որին մասնակցում էին խորհրդի 55 անդամներից 47-ը: Խորհրդի անդամները ներկայացնում են ՀԱՄԿ-ին անդամակցող 18 ճյուղային հանրապետական միությունները:
Խորհրդի նիստի ժամանակ Հայաստանի արհմիությունների կոնֆեդերացիայի նախագահ Էլեն Մանասերյանը ներկայացրեց 2024թ գործադիր կոմիտեի և ՀԱՄԿ-ի գործունեության վերաբերյալ հաշվետվությունը (հաշվետվությունը ստորև), երկրորդ հարցով հաստատվեց ՀԱՄԿ -ի 2025 թ․ նախահաշիվը։
Կրթության և գիտության աշխատողների Ճյուղային հանրապետական միության նախագահ Գ․Ղարիբյանը շնորհակալություն հայտնեց կատարած աշխատանքի համար։ Ներկայացրեց Կրթության ՃՀՄ-ում գործընթացը քոլեջների և բուհերին կից աշխատակիցների համար սոցիալական փաթեթի վերաբերյալ, ինչպես նաև ՀՀ աշխատանքի և սոցիալական հարցերի նախարարության կողմից իրականացվող աշխատանքները թեմայի վերաբերյալ։
Ագրոարդյունաբերական համակարգի աշխատողների արհեստակցական կազմակերպությունների ճյուղային հանրապետական միության նախագահ Հ․ Ջհանգիրյանը շնորհակալություն հայտնեց կատարած աշխատանքի համար։ Կարևորեց այն փաստը, որ արհմիությունները վերջին տարում ավելի լսելի և տեսանելի են դարձել։ Շնորհակալություն հայտնեց նաև գործընկերներին։
