ՀԱՄԿ-ի նախագահ Էլեն Մանասերյանը հունվարի 13-ին աշխատանքային այցով գտնվում էր Քաջարան քաղաքում

 ՀԱՄԿ-ի նախագահ Էլեն Մանասերյանը, Լեռնագործների, մետալուրգների և ոսկերիչների արհմիությունների ՃՀՄ նախագահ Էդուարդ Փահլևանյանը և ՀԱՄԿ-ի հետ համագործակցող փաստաբան Նաիրա Համբարձումյանը Սյունիքի մարզի Քաջարան քաղաքի մշակույթի տանը ս․ թ․ հունվարի 13-ին հանդիպեցին  Զանգեզուրի պղնձամոլիբդենային կոմբինատի արտադրամասերում գործող արհմիությունների նախագահների, ինչպես նաև գործատուի ներկայացուցիչների հետ։ Հանդիպման ընթացքում քննարկվեցին ՀՀ աշխատանքային օրենսգրքում տեղի ունեցած այն փոփոխությունները, որոնք դեռևս պարզաբանման կարիք ունեին։ Ն․ Համբարձումյանը ներկայացրեց իրավակիրառ և դատական պրակտիկ գործերը ոլորտում։ Մասնակիցները խոսեցին ներկա խնդիրների մասին, ներկայացրին նաև պրակտիկայում իրավական ակտերի անկատարության պատճառով առաջացող ամենօրյա խոչընդոտների մասին։ ՀԱՄԿ-ի նախագահը խոստացավ դրանք քննարկել սոցիալական գործընկերության շրջանակներում պատկան մարմինների հետ։  
 ԶՊՄԿ արհեստակցական կազմակերպության արհմիությունների նախագահները նշեցին, որ նման դեմ առ դեմ հանդիպումներն արդյունավետ են և նպաստում են արհմիության աշխատանքների լավարկմանը։

Վերջին նորություններ

Սոցիալական արդարության համաշխարհային օր

Սոցիալական արդարությունը ոչ միայն բարոյական անհրաժեշտություն է, այլև սոցիալական կայունության և գլոբալ բարեկեցության հիմքը: Աշխատանքի և սոցիալական հարցերի նախ…
21/02/2024
Տեսանյութեր
Սոցիալական գործընկերներ
Միջազգային գործընկերներ