Տեղի ունեցավ Կազմակերպաուսումնական կենտրոնի 2021 թվականի ամփոփիչ հիբրիդային սեմինարը

 Դեկտեմբերի 14-16-ը Ծաղկաձորում Աշխատանքի միջազգային կազմակերպության ծրագրի շրջանակում և նրա աջակցությամբ տեղի ունեցավ ՀԱՄԿ-ի Կազմակերպաուսումնական կենտրոնի /ԿՈՒԿ/ 2021 թվականի ամփոփիչ հիբրիդային սեմինարը, որին մասնակցում էին ՀԱՄԿ-ի նախագահ Էդուարդ Թումասյանը, ՀԱՄԿ-ի նախագահի տեղակալներ Բորիս Խարատյանը, Խաչիկ Առաքելյանը, ՀԱՄԿ-ի անդամ ճյուղային միության նախագահներ:
Սեմինարին տեսակապով մասնակցում էին նաև Աշխատանքի միջազգային կազմակերպության /ԱՄԿ/ Եվրոպայի և Կենտրոնական Ասիայի բաժնի համակարգող Սերգեյուս Գլովացկասը և ԱՄԿ-ի Մոսկվայի գրասենյակի աշխատավորների  գործունեության  հարցերով մասնագետ Գոչա Ալեքսանդրիան:
 Միջոցառումը վարում էր ՀԱՄԿ-ի Կազմակերպաուսումնական կենտրոնի ղեկավար Էլեն Մանասերյանը:
 ՀԱՄԿ-ի նախագահ Է.Թումասյանը ողջույնի խոսքում շնորհակալություն հայտնեց Աշխատանքի  միջազգային կազմակերպությանը համավարակի ընթացքում ՀԱՄԿ-ին և ԿՈՒԿ-ին ցուցաբերած  աջակցության  համար:
Սերգեյուս Գլովացկասը և Գոչա Ալեքսանդրիան իրենց  խոսքում անդրադառնալով  համավարակի և պատերազմի պատճառով Հայաստանի առջև  ծառացած  մարտահրավերներին, տնտեսական  ճգնաժամի հետևանքներին նշեցին, որ Հայաստանի արհմիությունների գլխավոր առաջնահերթություններից մեկը շարունակում է մնալ ի շահ աշխատողի կառավարության  և գործատուների հետ համագործակցությունը: Գ. Ալեքսանդրիան իր  խոսքում  կարևորեց  նաև COVID-19 ճգնաժամից մարդակենտրոն  և վերականգնման  համար հնչող Գործողությունների համաշխարհային  կոչը:
 Կոչը թարգմանվել է հայերեն և տեղադրվել ՀԱՄԿ-ի պաշտոնական  կայքում:
 Էլեն Մանասերյանն իր ելույթում ներկայացրեց ընթացիկ տարում ԱՄԿ-ի աջակցությամբ Կենտրոնի  իրականացրած ծրագրերն ու կատարած աշխատանքները, ինչի արդյունքում արհմիության  շարքերում էապես ավելացել է երիտասարդների թվաքանակը:
 2020 թվականի ընթացքում աշխատողների  վրա ճգնաժամերի սոցիալ-տնտեսական ազդեցությունը  և այդ  ընթացքում արհմիությունների գործունեության  գնահատման  և  հեռանկարներին վերաբերող վերլուծության արդյունքները ներկայացրեց փորձագետ Արսեն Իգիթյանը: Նա իր ելույթում անդրադարձավ զբաղվածության, աշխատաշուկայի և տնտեսական գործունեության ոլորտներում  ճգնաժամի հետևանքներին, միաժամանակ նշելով, որ արհմիությունները, որպես աշխատողների աշխատանքային, սոցիալական, տնտեսական և իրավական շահերը ներկայացնող միավորումներ նույնպես կրեցին համավարակի ազդեցությունը և կարիք ունեն փոխակերպումների։
Վերլուծության վերաբերյալ կարծիք հայտնեց Բորիս Խարատյանը: Իր խոսքում նա հույս հայտնեց, որ  վերլուծության արդյունքները հիմք կհանդիսանան <Քովիդ-19 համաճարակից և այլ ճգնաժամային  իրավիճակներից բխող մարտահրավերները հաղթահարելու համար ՀԱՄԿ-ի ռազմավարությունը>  քննարկելու  ընթացքում:  
 Սեմինարի  մասնակիցները փորձագետին ուղղեցին  թեմային առնչվող  հարցեր:
 Միջոցառմանը ելույթ ունեցան ՀԱՄԿ-ի անդամ ճյուղային հանրապետական միությունների նախագահները:

Վերջին նորություններ

Ոչ ֆորմալ տնտեսությունում աշխատողների կազմակերպման վերաբերյալ քառօրյա վերապատրաստման դասընթաց

Հայաստանի արհմիությունների կոնֆեդերացիան (ՀԱՄԿ) Աշխատանքի միջազգային կազմակերպության (ԱՄԿ) ֆինանսական  աջակցությամբ 2025թ․ մարտի 20-23-ը քաղաք Ծաղկաձորում …
28/03/2025

Առողջության համապարփակ ապահովագրությո՞ւն, թե՞ լրացուցիչ հարկ. նախագծի խութերը

«Առողջության համապարփակ ապահովագրության մասին ՀՀ օրենքի» նախագիծը, որը դեռ վերջերս շրջանառվում էր e-draft հարթակում, առաջին հայացքից շատ սպասված ու …
21/03/2025

Սոցիալ-տնտեսական մարտահրավերները ՀՀ-ում և Արհմիությունները

Հայաստանի արհմիությունների կոնֆեդերացիան և Հայաստանում Ֆրիդրիխ Էբերտ հիմնադրամը միասին 2025թ. մարտի 13-16-ը իրականացրեցին  "Սոցիալ-տնտեսական մարտահրավ…
21/03/2025

Հայաստանի արհմիությունների կոնֆեդերացիայի առաջարկությունները և դիտարկումները «Առողջության համապարփակ ապահովագրության մասին» Հայաստանի Հանրապետության օրենքի նախագծի վերաբերյալ

Հայաստանի արհմիությունների կոնֆեդերացիան, դրական գնահատելով  «Առողջության համապարփակ ապահովագրության մասին» Հայաստանի Հանրապետության օրենքի նախ…
11/03/2025

Շնորհավոր մարտի 8

Այսօր մարտի 8-ն է, գարնանային սովորական օր, որը տոն դարձավ կանանց իրավունքների մասին բարձրաձայնելու և դրանք պաշտպանելուն ուղղված ջանքերի շնորհիվ։ Աշխատանքային հ…
08/03/2025
Տեսանյութեր
Սոցիալական գործընկերներ
Միջազգային գործընկերներ