Հայաստանի արհմիությունների կոնֆեդերացիայի և Հայաստանում Ֆրիդրիխ Էբերտ հիմնադրամի համագործակցության շրջանակում 2025թ․ նոյեմբերի 25-ին ներկայացվեց «Նվազագույն աշխատավարձը և սոցիալ-տնտեսական իրողությունները Հայաստանի Հանրապետությունում» հետազոտության արդյունքները, որը իրականացրել է Հանրային և սոցիալական քաղաքականության փորձագետ Ռուբեն Մարկոսյանը։
Միջոցառմանը ներկա էին ՀՀ ԱԺ Աշխատանքի և սոցիալական հարցերի մշտական հանձնաժողովի նախագահ Հերիքնազ Տիգրանյանը, «Աշխատանքի և սոցիալական հետազոտությունների ազգային ինստիտուտ» ՊՈԱԿ-ի տնօրենի ժամանակավոր պաշտոնակատար Ռուբեն Սարգսյանը, ՀՀ աշխատանքի և սոցիալական հարցերի նախարարության, ՀՀ առողջապահության նախարարության, ՀՀ էկոնոմիկայի նախարարության ներկայացուցիչները և ՀԱՄԿ-ի անդամ ճյուղային հանրապետական միության նախագահները։
Հայաստանի արհմիությունների կոնֆեդերացիայի նախագահ Էլեն Մանասերյանը ողջույնի խոսքում նշեց, որ հետազոտություն իրականացվել է Հայաստանի արհմիությունների կոնֆեդերացիայի նախաձեռնությամբ՝ նպատակ ունենալով վերհանել Հայաստանի Հանրապետությունում գնաճի և աշխատողների եկամուտների միջև առկա անհամապատասխանությունը, Կենսաապահովման նվազագույն զամբյուղի հաշվարկի և աշխատավարձի ինդեքսավորման կարգի բացակայության խնդիրները։
Հետազոտության ներկացմանը հետևեց կարծիքների փոխանակում և քննարկում։
Հետազոտությունը՝ հետևյալ հղումով։
