Հայաստանի արհմիությունների կոնֆեդերացիայի նախագահ՝ Էլեն Մանասերյանի նախաձեռնությամբ, 2025թ․ նոյեմբերի 28-ին կայացավ հանդիպում, որի ընթացքում ներկայացվեց աշխատանքային պայմանագրերի կնքման թվային համակարգից օգտվելու տեխնիկական գործընթացը։
Միջոցառումը, որին մասնակցում էին ՀԱՄԿ-ի ճյուղային հանրապետական միությունների ներկայացուցիչները, մեկնարկեց ՀԱՄԿ-ի նախագահի տեղակալ Տիրուհի Նազարեթյանի ողջույնի խոսքով։
Աշխատանքային պայմանագրերի կնքման թվային համակարգի հնարավորությունները, օգտագործման փուլերը և գործնական կիրառման առանձնահատկությունները ներկայացրեցին Հայաստանի Հանրապետության Պետական եկամուտների կոմիտեի «Ջի Սոլյուշնս» պետական ոչ առևտրային կազմակերպության թվային նախագծերի կառավարման դեպարտամենտի վերլուծաբաններ՝ Աննա Պողոսյանը և Մարիամ Մակարյանը։
Հանդիպման ընթացքում քննարկվեցին համակարգի տեխնիկական մանրամասները, և մասնակիցները հնարավորություն ունեցան ներկայացված գործառույթների և կիրառման առանձնահատկությունների վերաբերյալ իրենց հարցերը ուղղել մասնագետներին։
