2026թ. հուլիսի 18-ին Հայաստանի մշակույթի աշխատողների արհեստակցական կազմակերպությունների Ճյուղային հանրապետական միության խորհրդի անդամները և ևս մի քանի արհմիութենական ակտիվիստներ մեկնեցին Դիլիջան՝ ՃՀՄ-ի խորհրդի արտագնա նիստ և մեկօրյա ամառային հանգիստ անցկացնելու համար: Նախնական պայմանավորվածության համաձայն՝ արհմիութենականներին Դիլիջանի արվեստի պետական քոլեջում դիմավորեցին դպրոցի տնօրեն Հ. Մկրտումյանը և Դիլիջանի տարածքի մշակույթի աշխատողների արհեստակցական կազմակերպության նախագահ Անահիտ Հովակիմյանը:
Քոլեջում անցկացված արտագնա նիստից հետո մեկնեցին ‹‹Քեսաբ›› ռեստորան, որտեղ հասցրին ծանոթանալ, ճանաչել միմյանց, խոսել մշակույթի, արհմիութենական աշխատանքի և այսօրվա խնդիրների մասին: Այնուհետև մեկնեցին ‹‹Հաղարծին›› վանական համալիր և Գոշավանք: Ծանոթացան այդ միջնադարյան հուշարձանների հարուստ պատմությանը, հայկական մշակույթի զարգացման մեջ ունեցած նրանց դերին և նշանակությանը, վայելեցին այդ գեղեցկությունը, լուսանկարվեցին և ուշ երեկոյան վերադարձան Երևան:
