![](https://hamk.am/assets/img/logo-big.png)
Հունիսի 6-8-ը Ստեփանավանում ՀԱՄԿ-ի և Solidarity Center-ի հայաստանյան գրասենյակի համատեղ ջանքերով տեղի ունեցավ սեմինար Կրթության եւ գիտության աշխատողների արհեստակցական կազմակերպությունների ճյուղային հանրապետական միության Տավուշի, Լոռու և Շիրակի մարզերի տարածքային նախագահների եւ արհմիության անդամների համար։
Եռօրյա սեմինարը նվիրված էր արհմիութենական աշխատանքի հիմնահարցերին և աշխատանքային օրենսգրքին։ ՀԱՄԿ կազմակերպաուսումնական կենտրոնի ղեկավար Էլեն Մանասերյանը ներկայացրեց աշխատանքային օրենսգրքում սպասվող առաջիկա փոփոխությունները և դրանց կարևորությունը։
Մասնակիցները կատարեցին խմբային աշխատանք, քննարկեցին արհմիությունների մարտահրավերները, ծանոթացան կոլեկտիվ պայմանագրին և բանակցությունների հիմնական սկզբունքներին։
Սեմինարն ուղղված էր իրավագիտակցության բարձրացմանն ու փոխգործակցության խթանմանը, ինչպես նաև արհմիութենական միասնականության ոգու բարձրացմանը։