Մարտի 18-ին Հայաստանի Հանրապետության արտաքին գործերի նախարարության նախաձեռնությամբ կայացավ մոնիտորինգային այցով Հայաստանում գտնվող Կանանց ու աղջիկների նկատմամբ խտրականության դեմ պայքարի հարցերով ՄԱԿ աշխատանքային խմբի անդամների, Հայաստանի արհմիությունների կոնֆեդերացիայի և Հայաստանի գործատուների հանրապետական միության ներկայացուցիչների աշխատանքային հանդիպում:
Հանդիպման ընթացքում քննարկվել են ԱՄԿ թիվ 190 Կոնվենցիայի վավերացման հետ կապված հետագա գործողությունները, խնդիրները և ռազմավարությունները։
Հայաստանի արհմիությունների կոնֆեդերացիայի նախագահի տեղակալ Տիրուհի Նազարեթյանը ներկայացրեց արհմիությունների կողմից իրականացված աշխատանքները կոնվենցիայի վավերացման, ինչպես նաև առկա օրենսդրական բացերը, խնդիրները և խոչընդոտները։
Հանդիպման մասնակիցները փաստեցին, որ համագործակցությունը և ջանքերի մեկտեղումը անհրաժեշտ է Կոնվենցիայի լիարժեք կիրառման, խտրականություններից և ոտնձգություններից զերծ՝ կայուն և անվտանգ աշխատանքային միջավայր ունենալու համար։
