Ապրիլի 4-ին Հայաստանի արհմիությունների կոնֆեդերացիան Ֆրանսիայի Աշխատանքի ընդհանուր կոնֆեդերացիայի հետ համագործակցության շրջանակներում  իրականացրեց «Փոփոխվող կլիմայի պայմաններում աշխատողների իրավունքների առաջխաղացում» թեմայով կլոր-սեղան քննարկում։ Կլոր-սեղան քննարկմանը ներկա էին Ֆրանսիայի Աշխատանքի ընդհանուր կոնֆեդերացիայի արտաքին կապերի ղեկավար Բորիս Պլացցին, Ֆրանսիայի Աշխատանքի ընդհանուր կոնֆեդերացիայի բյուրոյի անդամ Ֆաբիեն Ռուշին, Ֆրանսիայի Աշխատանքի ընդհանուր կոնֆեդերացիայի խորհրդական Ռենատա Կուտասը, ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանը, ՀՀ շրջակա միջավայրի նախարարության ներկայացուցիչներ և ՀԱՄԿ-ի անդամ ՃՀՄ նախագահներ։

Կլոր-սեղան քննարկման ընթացքում քննարկվեցին այնպիսի թեմաների, ինչպիսիքն են կլիմայի փոփոխությունները և արհմությունների ռազմավարությունը, շրջակա միջավայրի պաշտպանության և արդյունաբերության զարգացման ոլորտում Եվրամիության քաղաքականությունն արհմիության տեսանկյունից, արդար անցումը ՀՀ-ում, իրավիճակը և խնդիրները։ Ներկաները հետաքրքրվեցին Ֆրանսայում քննարկվող խնդիրների համատեքսում իրականացվող աշխատանքների, առանձին աշխատողների աշխատանքային պայմանների բարելավման համար տարվող աշխատանքների մասին։ Քննարկումը հատկապես հատկանշական էր մերօրյա կլիմայական փոփոխությունների համատեքստում։

Միջոցառման ավարտին Հայաստանի արհմիությունների կոնֆեդերացիայի նախագահ Էլեն Մանասերյանը շնորհակալություն հայտնեց հյուրերին Հայաստան այցի, քննարկման ընթացքում ներկաների հետ հաջողված փորձը կիսելու և հետագա շարունակվելիք աշխատանքների համար։