Հայաստանի կառավարության, գործատուների և աշխատողների ներկայացուցիչները, քաղաքացիական հասարակությունը և միջազգային գործընկերները 2026 թվականի հունվարի 30-ին մասնակցեցին Աշխատանքի միջազգային կազմակերպության (ILO) 2019 թվականի բռնության և ոտնձգությունների մասին կոնվենցիայի (թիվ 190) վերաբերյալ քաղաքականության երկխոսությանը, որի նպատակն էր առաջ մղել կոնվենցիայի իրականացման ազգային ջանքերը՝ այն վավերացնելուց հետո՝ 2025 թվականի դեկտեմբերին։
ՀԱՄԿ -ի նախագահի տեղակալ Տիրուհի Նազարեթյանը իր խոսքում նշեց, որ արհմիության գործիքակազմերը` կոլեկտիվ պայմանագրերը և բանակցությունները, կարող են արդյունավետ լինել աշխատավայրում բռնությունների և ոտնձգությունների բացահայտման, կանխման և բացառման համար։
Սակայն պետք է հաշվի առնել օրենսդրական խնդիրները, օրինակ` երրորդ անձանց պաշտպանության մեխանիզմի բացակայությունը, քաղաքացիական դատավարության օրենսգրքի բացերը, ապացուցման բեռի բաշխման առումով, խոչընդոտում են կոնվենցիայի դրույթների պրակտիկ կիրառմանը։