2023 թ. հունվարի 21-ին տեղի ունեցավ Հայաստանի արհմիությունների կոնֆեդերացիայի երիտասարդության հարցերով նորընտիր հանձնաժողովի նիստը, որին մասնակցում էին երիտասարդական հանձնաժողովի 35 անդամներից 23-ը:
Ողջույնի խոսքով հանդես եկավ ՀԱՄԿ-ի նախագահ Էլեն Մանասերյանը:
Հանձնաժողովն իրականացրեց նախագահի և փոխնախագահների ընտրություն:
ՀԱՄԿ-ի երիտասարդության հարցերով հանձնաժողովի նախագահի թեկնածուներ առաջադրվեցին Հակոբ Հակոբյանը (Առողջապահության աշխատողների արհմիությունների Ճյուղային Հանրապետական միություն) և Էդգար Չախոյանը (Բուհերի արհեստակցական կազմակերպությունների Ճյուղային Հանրապետական միություն): Փակ գաղտնի քվեարկության արդյունքում հանձնաժողովի նախագահ ընտրվեց Էդգար Չախոյանը:
Բաց քվեարկությամբ փոխնախագահներ ընտրվեցին Էմմա Նազարյանը (Առևտրի և հասարակական սննդի, սպառկոոպերացիայի և ձեռներեցության արհեստակցական կազմակերպությունների Ճյուղային Հանրապետական միություն) և Ջոն Սիմոնյանը (Ագրոարդյունաբերական համակարգի աշխատողների արհեստակցական կազմակերպությունների Ճյուղային Հանրապետական միություն):
Ընտրությունների ավարտին ՀԱՄԿ-ի երիտասարդության հարցերով հանձնաժողովի նորընտիր նախագահ Է. Չախոյանը շնորհակալություն հայտնեց ցուցաբերված վստահութան համար և հավաստիացրեց, որ գալիք 5 տարիների ընթացքում հանձնաժողովն իր գործունեությունը կնպատակաուղղի արհմիությունների դերի ու նշանակության բարձրացմանը, ինչպես նաև նոր երիտասարդների ներգրավմանը: Եզրափակիչ խոսքով հանդես եկան ՀԱՄԿ-ի նախագահ Էլեն Մանասերյանը և Կազմակերպաուսումնական կենտրոնի ղեկավար Վարդուհի Բրուտյանը, ովքեր երիտասարդական հանձնաժողովին շնորհավորեցին կայացած ընտրությունների կապակցությամբ և մաղթեցին արդյունավետ աշխատանք:
