«Ինչպես համատեղել ընտանիքը և կարիերան», «Ինչպես պաշտպանվել խտրականության դրսևորումներից», «Գյուղաբնակ և քաղաքաբնակ կանանց մարտահրավերները և խնդիները», «Մշակութային առանձնահատկություններ, կարծրատիպեր և կրթություն» հարցերը քննարկվեցին 2023թ. հունվարի 26-ին Երևանում կայացած ԵԱՀԿ կողմից կազմակերպված «Կանանց տնտեսական կարողությունների հզորացումը» թեմայով հանդիպմանը, որին մասնակցում էին ԵԱՀԿ տնտեսական հարցերի պատասխանատու Թերեզա Ալբանոն, ԵԱՀԿ փորձագետ/ խորհրդատու Ստեֆանո Վոլպիչելին, սոցիալական գործընկերները, հասարակական կազմակերպությունների ներկայացուցիչները: Հայաստանի արհմիությունների կոնֆեդերացիայի կողմից մասնակցեցին ՀԱՄԿ-ի նախագահի տեղակալ Տիրուհի Նազարեթյանը և ՀԱՄԿ-ի աշխատակազմի աշխատանքային և սոցիալական իրավունքների պաշտպանության բաժնի պետ Լաուրա Դեմիրչյանը: ՀԱՄԿ-ի նախագահի տեղակալը կարևորեց կանանց իրազեկվածությունը, ֆինանսական անկախությունը և կրթական բարձր մակարդակը, ինչը հնարավորություն կտա կանանց աշխատաշուկայում լինել ավելի մրցունակ և պաշտպանված, իսկ արհմիությունները իրենց լիազորությունների շրջանակում կշարունակեն իրականացնել անհավասար վարձատրության և խտրականության այլ դրսևորումների նվազեցմանն ուղղված գործունեություն:
