Աշխատանքի և աշխատավորների միջազգային օրվա առիթով «Հեռանկարն» այսօր հյուրընկալել էր Հայաստանի Արհմիությունների կոնֆեդերացիայի նախագահ Էլեն Մանասերյանին։ Անդրադարձ է եղել Հայաստանում գրանցված աշխատատեղերի և գործազրկության վերաբերյալ վիճակագրական տվյալներին, աշխատողների իրավունքների պաշտպանությանը, «Նվազագույն աշխատավարձը և սոցիալ-տնտեսական իրողությունները Հայաստանի Հանրապետությունում» հետազոտության արդյունքներին, աշխատաշուկայի անհավասար բաշխվածությանը, մասնավորապես այն փաստին, որ գրեթե ամբողջ տնտեսությունը, հիմնարկ-ձեռնարկությունները կենտրոնացած են Երևանում։
«Սա խնդիր է Հայաստանի Հանրապետության համար, սա ռազմավարական, անվտանգության խնդիր է, որովհետև, եթե ամեն ինչ կենտրոնացնում ենք Երևանում, մենք դատարկում ենք մեր գյուղերը, հատկապես այն գյուղերը, որոնք մեզ համար կենսական նշանակություն ունեն»,-ասել է Էլեն Մանասերյանը։
