Ֆրանսիայի Աշխատանքի ընդհանուր կոնֆեդերացիայի հրավերով «Հարավային Կովկաս. կլիմայի փոփոխության պայմաններում աշխատանքային իրավունքների առաջխաղացում» ծրագրի շրջանակներում Հայաստանի և Վրաստանի արհմիությունների կոնֆեդերացիաների պատվիրակություններն աշխատանքային այցով 2024 թվականի մայիսի 13-ից մինչև մայիսի 17-ը գտնվում էին Ֆրանսիայի Հանրապետությունում:
Այցի շրջանակներում Հայաստանի արհմիությունների կոնֆեդերացիայի պատվիրակությունը հանդիպումներ է ունեցել Ֆրանսիայի Աշխատանքի ընդհանուր կոնֆեդերացիայի Գլխավոր քարտուղար Սոֆի Բինետի և ներկայացուցիչների, ինչպես նաև Ֆրանսիայի Տնտեսական, սոցիալական և բնապահպանական խորհրդի ներկայացուցիչների հետ՝ կլիմային փոփոխությանը, շրջակա միջավայրի պահպանությանն ուղղված արհմիութենական գործունեությանը, Խորհրդի գործառույթներին և «Կանանչ պայմանագիր» քաղաքականությանը ծանոթանալու նպատակով: 
Այցի ընթացքում պատվիրակություններն այցելել են նաև Տնտեսական համագործակցության և զարգացման կազմակերպություն (ՏՀԶԿ)` ՏՀԶԿ-ին կից Արհմիությունների խորհրդատվական կոմիտեի գործունեությանը ծանոթանալու համար: