2023 թվականի ապրիլի 4-ին Միջազգային հանրապետական ինստիտուտի (IRI), «Սոլիդարիթի սենթեր» հայաստանյան գրասենյակի և Հայաստանի արհմիությունների կոնֆեդերացիայի համագործակցության շրջանակներում Հայաստանի արհմիությունների կոնֆեդերացիան (ՀԱՄԿ) հյուրընկալեց Լիտվայի Հանրապետության պատվիրակության անդամներին, որի ընթացքում Լիտվայի «Solidarumas» արհմիության ղեկավար Քրիստինա Կրուպավիչենեն ներկայացրեց Լիտվայում արհմիութենական գործունեությունը, ազգային, ճյուղային, տարածքային և սկզբնական մակարդակներում սոցիալական գործընկերությունը:
Լիտվայի Հանրապետության պատվիրակության կազմում ընդգրկված էին Լիտվայի Հանրապետության խորհրդարանի պատգամավորներ, կառավարության, աշխատանքի պետական տեսչության և արհմիության ներկայացուցիչներ։
Հանդիպմանը մասնակցում էին Միջազգային հանրապետական ինստիտուտի (IRI), «Սոլիդարիթի սենթեր» հայաստանյան գրասենյակի ներկայացուցիչները, ՀԱՄԿ-ի ղեկավարությունը, ՀԱՄԿ-ի ճյուղային հանրապետական միությունների նախագահները և այլ ներկայացուցիչներ:
