Հայաստանի Հանրապետության Ազգային ժողովի Աշխատանքի և սոցիալական հարցերի մշտական հանձնաժողովին ներկայացվել է առաջարկություն, որի համաձայն, եթե հանգստյան օրը համընկնում է ոչ աշխատանքային՝ տոնական կամ հիշատակի օրվա հետ, ապա հանգստյան օրը պետք է տեղափոխվի անմիջապես հաջորդող աշխատանքային օր:
Նախաձեռնության նպատակն է ապահովել աշխատողների հանգստի օրերի լիարժեք օգտագործումը և կանխարգելել այն իրավիճակը, երբ տոնական օրերի համընկնումը հանգեցնում է հանգստյան օրերի պակասին:
Հայաստանի արհմիությունների կոնֆեդերացիան ընդգծում է, որ նման փոփոխությունը կնպաստի աշխատավայրերում սոցիալական արդարության ամրապնդմանը և աշխատողների իրավունքների պաշտպանության բարձրացմանը:
