Հայաստանի արհմիությունների կոնֆեդերացիան մայիսի 6-ին հյուրընկալեց Դանիայի արհմիությունների զարգացման գործակալության (DTDA) ներկայացուցիչներ՝ ծրագրերի պատասխանատու Յոհան Բյոգը (Johan Bøgh) և ծրագրերի խորհրդատու Յան Քյոլեր Նիլսենը (Jan Køhler Nielsen)։
Հանդիպման ընթացքում քննարկվել են ՀԱՄԿ-ի և Դանիայի արհմիությունների զարգացման գործակալության միջև համագործակցության ընթացիկ ուղղություններն ու հետագա համագործակցության հնարավորությունները։ Կողմերը կարևորել են միջազգային գործընկերության դերը արհմիությունների կարողությունների զարգացման, աշխատողների իրավունքների պաշտպանության և սոցիալական երկխոսության ամրապնդման գործում։
Քննարկվել են նաև համատեղ ծրագրերի իրականացման, փորձի փոխանակման, վերապատրաստումների և արհմիութենական կրթության զարգացմանն առնչվող հարցեր։ Հատուկ անդրադարձ է կատարվել ժամանակակից աշխատաշուկայի մարտահրավերներին, թվայնացման ազդեցությանը և աշխատողների իրավունքների պաշտպանության նոր մեխանիզմների անհրաժեշտությանը։
Հայաստանի արհմիությունների կոնֆեդերացիա նախագահը ներկայացրել է Հայաստանում արհմիությունների գործունեության հիմնական ուղղությունները, առկա խնդիրներն ու առաջնահերթությունները՝ ընդգծելով միջազգային համագործակցության կարևորությունը արհմիությունների զարգացման տեսանկյունից։
Հանդիպումն անցել է ջերմ և կառուցողական մթնոլորտում։ Կողմերը վերահաստատել են համագործակցության շարունակականության կարևորությունը և պատրաստակամություն հայտնել զարգացնելու գործընկերային կապերը՝ ի նպաստ աշխատողների իրավունքների պաշտպանության և սոցիալական արդարության ամրապնդման։