Նոյեմբերի 10-ին ՀԱՄԿ-ի նախագահ Էլեն Մանասերյանն ընդունեց IndustriALL Գլոբալ միության տարածաշրջանի քարտուղար Վադիմ Բորիսովին և Մոլդովայի Հանրապետության արհմիությունների ֆեդերացիայի արդյունաբերության և էներգետիկ պաշարների քիմիական ճյուղերի աշխատողների նախագահ Մարգարիտա Ստրեստյանին:
Հանդիպմանը մասնակցում էին ՀԱՄԿ-ի նախագահի տեղակալ Տիրուհի Նազարեթյանը, ՀՀ <Էլեկտրաարհմիություն> ճյուղային հանրապետական միության նախագահ Կարինե Ալոյանը, ՀՀ լեռնագործների, մետալուրգների և ոսկերիչների աշխատողների ճյուղային հանրապետական միության նախագահ Էդուարդ Փահլևանյանը:
Մասնակիցները քննարկեցին հայաստանյան արհմիությունների առջև կանգնած այնպիսի մարտահրավերներ, ինչպսիք են կլիմայի փոփոխությունը, Արդար անցումը, կանաչ աշխատատեղերի ստեղծումը:
Քննարկման ընթացքում անդրադարձ եղավ նաև արհմիությունների կարողությունների զարգացման համար կիրարկվող Արդար անցումային ծրագրի նշանակությանը, որն աշխատողների համար կապահովի համարձակ և դրական մոտեցումներ: Ավելի լավ վարձատրվող աշխատատեղերը, անվտանգ աշխատանքը, ուժեղ սոցիալական պաշտպանությունն ու համայնքներում կատարած ներդրումները կապահովեն հասարակությանը, որում առաջնորդվելով սոցիալական երկխոսությամբ, յուրաքանչյուր մարդ կարող է կատարած աշխատանքի դիմաց ակնկալել արդար վարձատրություն և աշխատանքային իրավունքների պաշտպանություն:
