2026 թվականի ապրիլի 3-ին տեղի ունեցավ Հայաստանի մշակույթի աշխատողների ճյուղային արհմիության նախագահ Էսմա Սիմոնյանի հանդիպումը Արմավիրի մարզային գրադարանի տնօրինության և աշխատողների հետ: Հանդիպման ընթացքում գրադարանավարները ներկայացրին իրենց բազմաբովանդակ աշխատանքների արդյունքները, անդրադարձան վերջին տարիներին ձեռք բերած հաջողություններին՝ գրքային ֆոնդի հարստացմանը, ընթերցողների թվաքանակի աճմանը, կազմակերպվող միջոցառումներին ընթերցողների ներգրավվածության մեծացմանը, երիտասարդ սերնդի կրթությանն ու դաստիարակությանն ուղղված միջոցառումների անցկացմանը և ապագա ծրագրերին:
Ճյուղային միության նախագահը իր անձնական գրադարանից հայ, ռուս դասականների և եվրոպական գրականության շուրջ 70 անուն գիրք նվիրեց մարզային գրադարանին:
Առաջարկություն եղավ ճյուղային հանրապետական միության հետ կապերն էլ ավելի ամրապնդելու, հանդիպումներն ավելի հաճախակի դարձնելու և անմիջական շփումներն ակտիվացնելու վերաբերյալ:
Հանդիպումն անցավ ջերմ և անմիջական մթնոլորտում՝ այն կրկնելու ակնկալիքով:
