Հայաստանի արհմիությունների կոնֆեդերացիան Սոլիդարիթի Սենթեր կազմակերպության հայաստանյան ներկայացուցչության հետ համագործակցության շրջանակում անցկացրեց «Դասընթաց դասընթացավարների համար» սեմինարը։
Փետրվարի 20-22-ը Հայաստանի արհմիությունների կոնֆեդերացիան կազմակերպեց «Դասընթաց դասընթացավարների համար» եռօրյա սեմինարի երկրորդ փուլը՝ նպատակ ունենալով զարգացնել արհմիութենական ակտիվի կարողությունները և ձևավորել որակյալ դասընթացավարների թիմ։
Սեմինարին մասնակցեցին տարբեր ճյուղային արհմիություններից ներկայացուցիչներ, որոնք մասնակցել էլի դասընթացի առաջին փուլին։ Ծրագիրը կառուցված էր ինտերակտիվ մեթոդների վրա՝ ներառելով խմբային աշխատանքներ, գործնական վարժություններ, քննարկումներ և սիմուլյացիոն առաջադրանքներ։
Եռօրյա աշխատանքի արդյունքում մասնակիցները ոչ միայն ձեռք բերեցին նոր գիտելիքներ, այլև գործնականում փորձարկեցին դասընթացավարի դերը՝ մշակելով և ներկայացնելով իրենց մոդուլները։
Սեմինարը միտված էր ձևավորել կայուն և պրոֆեսիոնալ վերապատրաստողների, որոնք կնպաստեն արհմիութենական շարժման զարգացմանը և արդյունավետության բարձրացմանը։
Հայաստանի արհմիությունների կոնֆեդերացիան շարունակելու է իրականացնել կարողությունների զարգացմանն ուղղված ծրագրեր՝ կարևորելով կրթությունը որպես կազմակերպական առաջընթացի հիմնասյուն։
