Հայաստանի արհմիությունների կոնֆեդերացիան Աշխատանքի միջազգային կազմակերպության աջակցությամբ ս.թ. մայիսի 6-8-ը Ծաղկաձորում իրականացրեց եռօրյան աշխատաժողով բռնի տեղահանված, փախստականի կարգավիճակ ունեցող աշխատողների ՙՙՎերածնունդ՚՚ արհեստակցական կազմակերպության անդամների համար:
Աշխատաժողովի նպատակն էր ՙՙՎերածնունդ՚՚ արհեստակցական կազմակերպության անդամներին ծանոթացնել գործող զբառվածության ծրագրերին և մշակել քայլեր ուղղված բռնի տեղահանված, փախստականի կարգավիճակ ունեցող անձանց զբաղվածության կարիքների գնահատմանը և ըստ ունեցած մասնագետների և աշխատաշուկայի կարիքների համադրմանը: Մասնակիցները ծանոթացան նաև ՀՀ աշխատաշուկայի փոփոխվող պահանջներին և ապագայի հմտություներին, նաև սովորեցին գրագետ կենսագրականի կազմում:
Աշխատաժողովին ներկա էին Հայաստանի արհմիությունների կոնֆեդրացիայի նախագահ Էլեն Մանասերյանը, ՀՀ Աշխատանքի և սոցիալական հարցերով նախարարության Միասնական սոցիալական ծառայության Զբաղվածության ապահովման և աշխատանքային ներուժի զարգացման վարչության ծրագրերի համակարգման բաժնի գլխավոր մասնագետ Անահիտ Կարապետյանը, ԱՀ Արհմիության ֆեդերացիայի նախագահ Արա Ղահրամանյանը:
