2025թ. օգոստոսի 23-ին Հայաստանում տուրիզմի զարգացման հիմնադրամի ֆինանսական աջակցությամբ արhմիության ՃՀՄ-ն կազմակերպեց 40-50 տարի և ավելի հայրենանվեր արտադրական գործունեության և արհմիությանը անդամակցության աշխատանքի 15 վետերանների և ՃՀՄ նախագահության անդամների համար հանգիստ, էքսկուրսիա Երևան, Դիլիջան, Հաղարծին, Գոշավանք, Պարզ լիճ, Դիլիջան, Երևան երթուղով: Մասնակիցները առանձնակի հետաքրքրությամբ լսեցին և ծանոթացան հայ ժողովրդի պատմամշակութային այդ համաշխարհային ժառանգությունների պատմությունների և իրողությունների մասին։
«Պարզ լճի» բնության գրկում, տաղավարներից մեկում կայացավ արհմիության ՃՀՄ-ի նախագահության արտագնա նիստը։
ՕՐԱԿԱՐԳՈՒՄ
1. Արհմիության ՃՀՄ նախագահի ինֆորմացիան 2024թ-2025թ. 1-ին կիսամյակի ՃՀՄ նախագահության և Խորհրդի կատարած աշխատանքների, եկամուտների և ծախսերի կատարողականի մասին:
2. Արհկոմների նախագահների ինֆորմացիաները 2025թ. կոլեկտիվ պայմանագրերով նախատեսված ռիթմիկ աշխատանքով և աշխատավարձով ապահովման, արձակուրդային գրաֆիկների և անվտանգության կանոնների պահպանման մասին:
3.Հայաստանում ջերմաստիճանի կտրուկ բարձրացման հետևանքով ճյուղի ընկերություններում և կազմակերպություններում տեխնիկայի անվտանգության և հակահրդեհային կանոնների պահպանման, հրահանգավորումների և դասընթացների կազմակերպման, հակահրդեհային բալոնների և այլ միջոցների առկայության, բանվորական արտահագուստներով ապահովման վիճակի մասին:
4. Սակավ ապահովված և Արցախից բռնի տեղահանված ընտանիքների դպրոցահասակ երեխաներին սեպտեմբերի 1-ի կապակցությամբ անհրաժեշտ գրենական պիտույքներով և պարագաներով, հանդերձանքներով, հագուստով ապահովելու, անհրաժեշտ այլ տեսակի օգնություններ կազմակերպելո մասին:
5. ,,Քանաքեռի կարի ֆաբրիկա,, ՍՊԸ-ի արհմիութենական կազմակերպության որոշումը, նորընտիր արհկոմի նախագահ Նելլի Բաղդասարյանին, համաձայն ՃՀՄ կանոնադրության, կազմակերպությունից, որպես ՃՀՄ Խորհրդի և նախագահության անդամ պատվիրակի լիազորությունների հաստատման մասին:
Քննարկված բոլոր հարցերի համար առանձին ընդունվեցին գործնական, իրագործելի որոշումներ: Առանձնապես խոսվեց անդամավճարների գանձման դժվարին վիճակից և խնդիրներից, պահանջվող ընթացիկ լուծումներից:
«ԱՇԽԱՏԱՆՔ ԵՎ ՀԱՆԳԻՍՏ» նշանաբանո անցկացված միջոցառումը ավարտվեց «Հաղարծին» հյուրանոցային համալիրի ռեստորանում, տոնական ընթրիքով, երգով, պարով, արտասանություններով և բարձր տրամադրությամբ ՃՀՄ-ն և մասնակիցները շնորհակալական խոսք ասեցին ՀԱՄԿ-ին, Հայաստանում տուրիզմի զարգացման հիմնադրամին ծրագրի իրականացմանը գործնական և ֆինանսական աջակցության համար: Մեկնելուց առաջ մասնակիցները գոհունակությամբ և դրականորեն արտահայտվեցին միջոցառման բարոյահոգեբանական նշանակության, հոգատար վերաբերմունք ցուցաբերելու համար:
Արհմիության ՃՀՄ-ի նախագահ Ս. Առաքելյան
