Տեղի ունեցավ ԱՄԿ լիազոր գործընկերների կարողությունների զարգացում՝ աշխատանքի ոչ ֆորմալ դրսևորումների կանխման և ֆորմալացմանն անցմանը խթանման ուղղությամբ, փախստականների հետ կապված ճգնաժամի երկամյա ծրագրի համատեքստում ամփոփիչ միջոցառումը:
Սեպտեմբերի 17-ին Երևանում տեղի ունեցավ ԱՄԿ ֆորմալացմանն ուղղված գլոբալ ծրագրի ամփոփոիչ միջոցառումը, որի նպատակն էր ներկայացնել ծրագրի հիմնական ձեռքբերումներն ու արդյունքները, անդրադառնալ մշակված քաղաքականության առաջարկություններին և խթանել սոցիալական երկխոսությունն ու ապագա հանձնառությունները։
Միջոցառմանը բացման խոսքով հանդես եկան ՀՀ աշխատանքի և բարեկեցության փոխնախարար Ռոզա Բաբայանը, Հայաստանի արհմիությունների կոնֆեդերացիայի նախագահ Էլեն Մանասերյանը, Հայաստանի գործատուների հանրապետական միության տնօրեն Լիլիթ Ադամյանը և ՀՀ-ում ՄԱԿ մշտական ներկայացուցիչ Ֆրանսուազ Ժակոբը։
Իր խոսքում, ՀԱՄԿ նախագահ Էլեն Մանասերյանը, ողջունելով ծրագիրը և ԱՄԿ գործընկերների կողմից ներդրած ջանքերը՝ ընդգծեց ՀԱՄԿ կողմից իրականացրած աշխատանքների ընթացքում արձանագրած խնդիրները, ինչպես նաև կարևորեց սոցիալական գործընկերներության շրջանակներում միասնական աշխատանքների կարևորությունն ու դրանց շարունակականության ապահովման անհրաժեշտությունը։
Էլեն Մանասերյանը հույս հայտնեց, որ մշակված քաղաքականության առաջարկությունները օգտակար կլինեն տվյալ ոլորտում պետության և սոցիալական գործընկերների կողմից իրականացվող գործողությունների համար և փաստաթուղթը կծառայի որպես իրական գործիք։
Միջոցառման երկրորդ մասում ՀԱՄԿ նախագահի տեղակալ Տիրուհի Նազարեթյանը մանրամասն ներկայացրեց ծրագրի շրջանակներում ՀԱՄԿ-ի իրականացրած գործողությունները։ Նա նշեց, որ ոչ ֆորմալ աշխատողների խնդիրները տարիներ շարունակ եղել են արհմիությունների գործունեության առանցքային ուղղություններից մեկը և որ այս ծրագրի արդյունքում ձևովորված փաստաթուղթը առաջին քայլն է։
