2026 թվականի հուլիսի 21-ին ՀՀ աշխատանքի և սոցիալական հարցերի նախարարի տեղակալ Լուսինե Քոչարյանի նախագահությամբ տեղի ունեցավ Հանրապետական եռակողմ հանձնաժողովի նիստը, որին մասնակցում էին Հայաստանի արհմիությունների կոնֆեդերացիայի նախագահ Էլեն Մանասերյանը, ՀԱՄԿ-ի անդամ ճյուղային հանրապետական միությունների նախագահներ Էդուարդ Փահլևանյանը, Անահիտ Ասատրյանը, Արմեն Ավետիսյանը և Շուշան Պետրոսյանը, ինչպես նաև ՀՀ կառավարության և Հայաստանի գործատուների հանրապետական միության ներկայացուցիչները։
Նիստի ընթացքում քննարկվեց և հաստատվեց Հանրապետական եռակողմ հանձնաժողովի աշխատակարգը՝ հաշվի առնելով հանձնաժողովի անդամների կողմից ներկայացված առաջարկություններն ու դիտարկումները։
Օրակարգի շրջանակում քննարկվեց նաև Հանրապետական կոլեկտիվ պայմանագրի կիրարկումն ապահովող գործողությունների ծրագրի մշակման աշխատանքների կազմակերպման հարցը։ 
Քննարկման արդյունքում կողմերը պայմանավորվեցին համատեղ մշակել գործողությունների ծրագրի նախագիծը՝ այն Հանրապետական եռակողմ հանձնաժողովի հաջորդ նիստի քննարկմանը ներկայացնելու նպատակով։