2025թվականի հոկտեմբերի 26-ին Վանաձորում տեղի ունեցած միջոցառմանը հրավիրված էր և մասնակցում էր նաև Հայաստանի մշակույթի աշխատողների Ճյուղային արհմիության նախագահ Էսմա Սիմոնյանը:
Հանդիսավոր պայմաններում նշվում էր Վանաձորի Ստ. Զորյանի տուն-թանգարանի էքսկուրսավար, նախկին տնօրեն, Հայաստանի գրողների միության անդամ, ՀԳՄ Լոռու մարզային բաժանմունքի քարտուղար, արհմիության անդամ Լենա Անթառանյանի 75-ամյա հոբելյանը: Միջոցառմանը ներկա էին Լոռու մարզպետի տեղակալ Արսեն Ղարիբյանը, համայնքապետ Արկադի Փելեշյանը, ԽՍՀՄ և ՀԽՍՀ ժողովրդական նկարիչ Անատոլի Ավետյանը, գրողներ, երգի և պարի խմբեր ‹‹Հորովել›› համույթը, մշակույթի ոլորտի բազմաթիվ գործիչներ և ներկայացուցիչներ:
Լենա Անթառանյանին արհմիության անունից շնորհավորանքի և բարեմաղթանքի խոսքեր ասաց, ՀԱՄԿ-ի պատվոգրով և դրամական պարգևով պարգևատրեց Ճյուղային միության նախագահը:
Միջոցառումն անցավ ջերմ և բարեկամական մթնոլորտում:
