Հայաստանի թեթև արդյունաբերության աշխատողների ճյուղային հանրապետական միությունը  կազմակերպեց Ծաղկաձորի «Ծաղկահովիտ» հյուրանոցում, 2025 թվականի հոկտեմբերի 4-ից 5-ը սեմինար «Անհատական և կոլեկտիվ աշխատանքային հարաբերությունները թեթև արդյունաբերության ոլորտում» թեմայով, որն իրականացվեց «Արժանապատիվ աշխատանքի միջազգային օրվան» նվիրված  ՀԱՄԿ-ի միջոցառումների շրջանակում։ 
Սեմինարում բացման խոսքով հանդես եկավ  ՃՀՄ նախագահ Սրապիոն Առաքելյանը, ով ներկայացրեց  մասնակիցներին սեմինարի օրակարգը և դրա հիմնական ուղղությունները, նպատակները, խնդիրները և սպասելիքները։ Սեմինարին  մասնակցեցին ՀԱՄԿ-ի նախագահ Էլեն Մանասերյանը և ՀԱՄԿ-ի աշխատանքային և  սոցիալական իրավունքների պաշտպանության բաժնի իրավաբան Աննա Բարիկյանը, ովքեր հանդես եկան որպես հիմնական զեկուցողներ։ Յուրաքանչյուր զեկուցումից հետո տեղի է ունեցել ակտիվ քննարկումներ, բանավեճեր, առաջարկություններ, որոնցից գործնական մի շարք առաջարկություններ ընդունվել են  ՃՀՄ-ի կողմից՝ հետագա գործունեության պլանում ընդգրկելու և իրականացնելու նպատակով։ 
Մասնակիցներն իրենց ելույթներում ներկայացրել են թեթև արդյունաբերության ոլորտում բազմաթիվ խնդիրները, արդի մարտահրավերները։ Քննարկման արդյունքում տրվել են  իրավական պարզաբանումներ և դրանց լուծման ուղղությունների  մասին խորհրդատվություններ։
Ելույթներում մասնակիցները շնորհակալություն հայտնեցին ՀԱՄԿ-ի և ՃՀՄ-ի ղեկավարությանը՝ սեմինարը   բարձր մակարդակով անցակցնելու   համար և հետագայում այլ  օրակարգերով սեմինար անցկացնելու ակնկալիքով։ 
Սեմինարի արդյունքում մասնակիցներն, ամենակարևորն, իրազեկվեցին «Արժանապատիվ աշխատանքի միջազգային օրվա»՝ հոկտեմբերի 7-ի, պատմության և  նշանակության մասին։

ՃՀՄ նախագահ  Ս․ Առաքելյան