2023թ. փետրվարի 15-ին կայացավ Հայաստանի արդյունաբերության աշխատողների ՃՀՄ գործկոմի նիստը, որին մասնակցում էին գործկոմի 8 անդամներ, վերստուգիչ հանձնաժողովի նախագահը և մամուլի քարտուղարը: Նիստը վարում էր Հանրապետական միության նախագահ Ա. Դանիելյանը:
Նիստի ընթացքում քննարկվեցին և հավանության արժանացան օրակարգում ընդգրկված հարցերը, որոնք էին՝
• 2022թ. հոկտեմբեր-դեկտեմբեր ամիսների բյուջեի կատարողականը, 2023թ. ՃՀՄ-ի ֆինանսական բյուջեն
• 2022թ. ընթացքում ընկերությունների կողմից ներկայացված հաշվետվությունները՝ տարեկան վիճակագրական, կոլեկտիվ պայամանգրերի, աշխատողների առողջության և անվտանգության, աշխատանքային վեճերի վերաբերյալ
• Արձանագրվեց, որ 2022թ. ընթացքում արդյունաբերության ոլորտի աշխատողների 91%-ը ապահովված են եղել բանվորական արտահագուստներով, պաշտպանիչ միջոցներով
• Նիստի ընթացքում ստորագրվեց Հուշագիր ‹‹Վիրտուոզ›› խորհրդատվական (փաստաբանական) ընկերության և ՃՀՄ-ի միջև, որով ընկերությունը պատրաստակամություն հայտնեց իր անձնակազմի մասնագիտական ներուժով անվճար խորհրդատվություն տրամադրել Հայաստանի արդյունաբերության աշխատողների արհեստակցական կազմակերպությունների ՃՀՄ-ին անդամակցող ընկերություններին
• Հավանություն տրվեց 2022թ. ընթացքում նոր ստեղծված սկզբնական արհեստակցական կազմակերպությունների դիմումներին Արդյունաբերության աշխատողների ՃՀՄ-ի կազմում ընդգրկելու վերաբերյալ
• Հաստատվեց Արդյունաբերության աշխատողների ՃՀՄ-ի վերստուգիչ հանձնաժողովի գործունեության նոր կանոնակարգը
• Քննարկվեց կանանց միջազգային տոնը նշելու միջոցառումների ծրագիրը
Քննարկվեցին օրակարգում ընդգրկված այլ հարցեր:
