Հայաստանի արհմիությունների կոնֆեդերացիա-ն (ՀԱՄԿ)  շարունակում է մարզային հանդիպումները՝ նպատակ ունենալով ուժեղացնել արհմիութենականների իրազեկվածությունն ու պաշտպանվածությունը աշխատանքային իրավունքի հարցերում։

Հունվարի 24-ին հերթական հանդիպումը կայացավ Եղեգնաձորում։ Քննարկմանը մասնակցում էին Ագրոարդյունաբերության, Էլեկտրոարհմիության, Մշակույթի և Առողջապահության ոլորտների արհմիութենական ներկայացուցիչներ։

Հանդիպման ընթացքում մասնակիցների հարցերին պատասխանեցին ՀԱՄԿ-ի նախագահ Էլեն Մանասերյանը և իրավաբան Աննա Բարիկյանը։

Արհմիութենականների կողմից բարձրացված հիմնական հարցերը վերաբերում էին՝

• էլեկտրոնային աշխատանքային պայմանագրերի կնքման գործընթացին,
• աշխատանքային ստաժի հաշվարկման կարգին,
• աշխատաժամանակի կազմակերպմանը,
• աշխատանքային ռեժիմին և դրա իրավական կարգավորումներին։

Հանդիպումը անցավ ակտիվ քննարկման մթնոլորտում․ մասնակիցները հնարավորություն ունեցան ստանալ մասնագիտական խորհրդատվություն և պարզաբանումներ իրենց հուզող խնդիրների վերաբերյալ։

ՀԱՄԿ-ը շարունակում է իր մարզային այցելությունները՝ նպատակ ունենալով ամրապնդել արհմիութենական շարժումը և նպաստել աշխատողների իրավունքների արդյունավետ պաշտպանությանը։