Հայաստանի արհմիությունների կոնֆեդերացիայի (ՀԱՄԿ) և «Սոլիդարիթի Սենթեր» հայաստանյան մասնաճյուղի համագործակցության շրջանակներում մեր փաստաբանը 2022 թվականին ՀՀ-ում գործող ՊՈԱԿ-ի աշխատող և ՀԱՄԿ-ի անդամ արհեստակցական կազմակերպության անդամի անունից դիմել էր դատարան՝ խախտված աշխատանքային իրավունքները վերականգնելու և կարգապահական տույժ կիրառելու, աշխատանքային պայմանագիրը միակողմանի լուծելու և աշխատանքից ազատելու հրամանն անվավեր ճանաչելու, նախկին աշխատանքում վերականգնելու, իսկ աշխատանքում վերականգնելու անհնարինության դեպքում` հատուցում ստանալու նպատակով:
Երևան քաղաքի ընդհանուր իրավասության քաղաքացիական դատարանը բավարարել էր հայցվորի պահանջները և պարտավորեցրել էր պատասխանող կողմին անվավեր ճանաչել հրամանը և վերականգնել աշխատողին իր նախկին աշխատանքում և վճարել հատուցում՝ հարկադիր պարապուրդի ամբողջ ժամանակահատվածի համար:
Երևան քաղաքի ընդհանուր իրավասության քաղաքացիական դատարանի վճիռը ՊՈԱԿ-ի կողմից բողոքարկվել էր ՀՀ վերաքննիչ քաղաքացիական դատարան: Վերաքննիչ բողոքը քննվել և դրա վերաբերյալ գրավոր ընթացակարգով կայացվել է որոշում, որի համաձայն մերժվել է ՊՈԱԿ-ի կողմից ներկայացված վերաքննիչ բողոքը և թողնվել է Երևան քաղաքի ընդհանուր իրավասության քաղաքացիական դատարանի վճիռն անփոփոխ:
