![](https://hamk.am/assets/img/logo-big.png)
Յուրաքանչյուր տարի հուլիսի երկրորդ կիրակի օրը նշվում է հանքագործի և մետալուրգի օրը։
ՀԱՄԿ-ի նախագահ Էլեն Մանասերյանը Հանքագործների, մետալուրգների և ոսկերիչների արհմիությունների ՃՀՄ հրավերով մեկնել էր Սյունիքի մարզ մասնակցելու և շնորհավորելու ոլորտի աշխատողներին։ Էլեն Մանասերյանը նախ Ագարակի, ապա Քաջարանի պղնձամոլիբդենային կոմբինատներում շնորհավորեց աշխատակիցներին` նրանց հանձնելով նաև ՃՀՄ կողմից պատրաստած պատվո կրծքանշաններ անբասիր և նվիրված աշխատանքի համար։ Իր շնորհավորական խոսքում Է. Մանասերյանը բարձր գնահատեց յուրաքանչյուր աշխատողի ներդրումն ու ավանդը Հայաստանի Հանրապետության տնտեսության զարգացման գործում։ Ինչպես նաև խոսեց աշխատողների արժանապատիվ աշխատանքային պայմանների ու առողջ ու անվտանգ աշխատանքային պայմանների առավել բարձր մակարդակով ապահովման կարևորության մասին, բարձր գնահատեց ոլորտում կայացած սոցիալական գործընկերությունը։