Սիրելի հայրենակիցներ,
Հայոց բանակի հրամանատարներ և զինվորներ, ջերմորեն շնորհավորում եմ ձեզ Բանակի օրվա առթիվ։
Հայոց բանակը մեր անկախ պետականության ամենակարևոր նվաճումներից է։ Երբ հայ ժողովուրդը տևական ընդմիջումից հետո վերականգնում էր իր անկախությունը, հայոց բանակն առաջին կայացած պետական կառույցը դարձավ։ Հայաստանի զինված ուժերի ստեղծումը մեր երկրի առաջին եւ մեծագույն ձեռքբերումն էր։ Սա արդեն պատմական փաստ է եւ անհերքելի ճշմարտություն։ Վստահ եմ, որ այսուհետ ևս շարունակելու ենք մեր անկախ պետականության հետագա զորացման ու մեր ժողովրդի խաղաղ և ապահով կյանքի գլխավոր երաշխիքներից մեկը համարվող հայոց բանակի նկատմամբ համազգային հոգատարություն ցուցաբերել` բանակաշինության խնդիրները մշտապես պահելով մեր ուշադրության կենտրոնում։
Կրկին շնորհավորելով բոլորիս մաղթում եմ խաղաղություն և բարօրություն։
Հայաստանի արհմիությունների կոնֆեդերացիայի նախագահ
Էլեն Մանասերյան
