Շնորհավոր Ամանոր և Սուրբ Ծնունդ

Սիրելի' աշխատողնե'ր, արհմիութենականնե'ր, գործընկերնե'ր,

Շուտով կավարտվի 2025 թվականը։ Տարեվերջյան վերջին ժամերը ևս մեկ անգամ ստիպում են մեզ ետ նայել ու վերագնահատել 365 օրվա ընթացքում մեր անցած ճանապարհը, որոնք լի էին փորձություններով, մարտահրավերներով և իհարկե, ձեռբերումներով։ 2025 թվականն էլ չէր տարբերվում աշխատանքային իրավահարաբերություններում իրավունքների խախտումներով, դրանց վերականգնումներով, սոցիալական գործընկերության բազմաթիվ թերություններով։
Սա ժամանակ է ևս մեկ անգամ շնորհակալ լինելու Ձեզ բոլորիդ նվիրվածության, համախմբվածության ու ՀԱՄԿ-ի կողքին լինելու համար, որի շնորհիվ մենք կարողանում ենք առաջ շարժվել` հավատարիմ մնալով մեր արժեքներին ու տեսլականին։
Նոր Տարին նոր գաղափարների, նոր հաղթանակների սկիզբ է։ Լիահույս եմ, որ 2026 թվականին ևս միասին կկարողանանք իրագործել մեր ամենահամարձակ նախաձեռնությունները։
Թող Նոր Տարին յուրաքանչյուր ընտանիքին բերի լուսավոր ու ջերմ պահեր, հաջողություն ու փոխադարձ հարգանք։
Շնորհակալ եմ ձեր վստահության ու համատեղ ճանապարհի համար։
Միասին շարունակենք կառուցել արժանապատիվ աշխատանքային հարաբերություններ։