Հարգելի՛ արհմիութենականներ, սիրելի՛ հայրենակիցներ,
Հայաստանի արհմիությունների կոնֆեդերացիան սրտանց շնորհավորում է բոլորիս՝ Հայաստանի Հանրապետության անկախության օրվա առթիվ։
Սեպտեմբերի 21-ը մեր ժողովրդի պատմության ամենանշանակալի օրերից մեկն է, որը խորհրդանշում է ազատության ձգտումն ու սեփական պետություն կառուցելու վճռականությունը։ Այս օրը հիշեցնում է մեզ, որ անկախությունը ոչ միայն նվաճում է, այլև ամենօրյա պատասխանատվություն՝ մեր հայրենիքի հզորացման, ժողովրդի բարեկեցության ու սոցիալական արդարության ապահովման գործում։
Արհմիությունը մշտապես կանգնած է աշխատողների կողքին՝ ի պաշտպանություն նրանց արժանապատիվ աշխատանքի, սոցիալական իրավունքների և արդար փոխհարաբերությունների։ Մենք հավատում ենք, որ միասնականությամբ ու համախմբվածությամբ կարող ենք ամրապնդել մեր երկրի սոցիալական ու տնտեսական հիմքերը՝ հանուն արժանապատիվ և խաղաղ ապագայի։
Թող Հայաստանի անկախությունը միշտ լինի ամուր հենարան մեր ժողովրդի ինքնության, հավատքի և պայքարի։
Մաղթում ենք արժանապատիվ կայունություն և բարօրություն մեր հայրենիքին ու ժողովրդին։
Խորին հարգանքով՝
Հայաստանի արհմիությունների կոնֆեդերացիա
