Հայաստանի արհմիությունների կոնֆեդերացիայի կողմից տրամադրված ֆինանսական միջոցների շրջանակում Վայք քաղաքի «Վայք» հյուրանոցում 2024 թվականի նոյեմբերի 8-ին տեղի ունեցավ սեմինար՝ Հայաստանի սպասարկման ոլորտի, սննդի և ձկնարդյունաբերության աշխատողների արհեստակցական կազմակերպությունների ճյուղային հանրապետական միության Վայոց Ձորի տարածքային միության արհմիության անդամների մասնակցությամբ: Սեմինարի նպատակն էր արհմիության անդամակցության խրախուսումը, արհմիութենական աշխատանքի արդյունավետության բարձրացումը, ինչպես նաև արհմիություն ստեղծելը և դրան անդամագրվելը որպես աշխատողի ազատ կամքի դրսևորում թեմայով և որպես գործոն իրենց տնտեսական և սոցիալական շահերի պաշտպանության համար:
Սեմինարին մասնակցում էին Հայաստանի սպասարկման ոլորտի, սննդի և ձկնարդյունաբերության աշխատողների արհեստակցական կազմակերպությունների ճյուղային հանրապետական միության Վայոց Ձորի տարածքային միության արհմիության անդամներ, տարածքի այլ աշխատողներ և գործատուների ներկայացուցիչներ:
Սեմինարը վարեց և հանգամանալից զեկույցով հանդես եկավ Սեյրան Ավագյանը: Սեմինարի մասնակիցներին տեղեկատվություն տրվեց արհմիությունների ներկա գործունեության, առկա խնդիրների և առաջիկա ծրագրերի վերաբերյալ:
Սեմինարի մասնակիցները զեկուցողից ստացան գործնականում իրենց հուզող բազմաբնույթ հարցերի պատասխանները:
Նմանատիպ սեմինարները առաջիկա տարում կկրեն շարունակական բնույթ` ներառելով նաև այլ կազմակերպություններում և տարածքային միություններում գործող արհմիութենականներին:
Սեմինարի աշխատանքներն ամփոփեց ՃՀՄ նախագահ Խաչիկ Առաքելյանը և կարևորեց կազմակերպություններում արհմիութենական կազմակերպություն ստեղծելը և արհմիությանը անդամակցությունը, ինչպես նաև արժանապատիվ աշխատանք ունենալու անհրաժեշտությունն ու ճհմ հետագա անելիքները: Սեմինարի մասնակիցներին տեղեկատվություն տրվեց արհմիությունների ներկա գործունեության, արհմիությունների մասին օրենքի, Կառավարության, ՀԱՄԿ-ի և Գործատուների միության միջև եռակողմ պայմանագրի ընթացքի մասին:
Սեմինարը անցավ խորը փոխըմբռման և բավականին ջերմ մթնոլորտում:
