Մայիսի 27-30-ը Ծաղկաձորում Արդյունաբերության աշխատողների արհեստակցական կազմակերպությունների ճյուղային հանրապետական միության արհմիութենականները մասնակցեցին ՀԱՄԿի-ի և Solidarity Center-ի հայաստանյան գրասենյակի համատեղ սեմինարին, որը նվիրված էր արհմիությունների զարգացմանը։

Եռօրյա սեմինարի ընթացքում մասնակիցները քննարկեցին ժամանակակից արհմիության գործառույթներն ու իրավունքները Հայաստանում, ինչպես նաև կատարեցին խմբային աշխատանքներ։ ՀԱՄԿ-ի կազմակերպաուսումնական կենտրոնի ղեկավար Էլեն Մանասերյանը ներկայացրեց ՀՀ աշխատանքային օրենսգրքի հիմնական դրույթները և կոլեկտիվ պայմանագիրը։

Արհմիութենականները փոխանակվեցին արհմիութենական առաջնորդի մասին իրենց պատկերացումներով, կարծիքներ հայտնեցին վերջինիս անհրաժեշտ հատկանիշների և հմտությունների մասին։

Սեմինարի գլխավոր նպատակն էր բարձրացնել արհմիութենականների իրավագիտակցությունը, խթանել փոխգործակցությունը և նպաստել արհմիությունների արդիականացմանը։