Հայաստանի արհմիությունների կոնֆեդերացիայի կողմից տրամադրված ֆինանսական միջոցների շրջանակում Ծաղկաձոր քաղաքի «Ծաղկահովիտ» հյուրանոցում 2024 թվականի նոյեմբերի 23-ին տեղի ունեցավ սեմինար՝ Երևանի Կիլիկիա գարեջրի գործարանի աշխատողների արհմիութենական կազմակերպության անդամների մասնակցությամբ: Սեմինարում բացման խոսքով հանդես եկավ ՃՀՄ նախագահ Խաչիկ Առաքելյանը: Նա հանգամանալից ներկայացրեց արհմիությունների կառուցվածքը, գործունեությունը, խնդիրները և առաջիկա ծրագրերի վերաբերյալ անելիքները:
Սեմինարի նպատակն էր արհմիության անդամակցության խրախուսումը ինչպես նաև արհմիութենական աշխատանքի արդյունավետության բարձրացումը:
Սեմինարը վարեց և հանգամանալից զեկույցով հանդես եկավ Սեյրան Ավագյանը: Սեմինարի մասնակիցները զեկուցողից ստացան գործնականում իրենց հուզող բազմաբնույթ հարցերի պատասխանները:
Հետաքրքիր քննարկում ծավալվեց արհմիութենական շարժման վերաբերյալ թե ինչ կառույց է արհմիությունը, ինչ իրավունքներ ու գործառույթներ ունի այն Հայաստանում և ինչ արդիական խնդիրներ է դնում իր առաջ, այդ ընթացքում ծավալվեց բովանդակային քննարկում: Մասնակիցները կիսվեցին իրենց պատկերացումներով և իրենց հետաքրքրող հարցերով:
Սեմինարի մասնակիցներին տեղեկատվություն տրվեց արհմիությունների ներկա գործունեության, Կառավարության, ՀԱՄԿ-ի և Գործատուների միության միջև եռակողմ պայմանագրի ընթացքի մասին:
Սեմինարի աշխատանքներն ամփոփեց ՃՀՄ նախագահ Խաչիկ Առաքելյանը կարևորելով կազմակերպություններում արհմիութենական կազմակերպություն ունենալը և արհմիությանը անդամակցությունը ու նաև ճհմ հետագա անելիքները:
Սեմինարի գլխավոր նպատակն էր բարձրացնել արհմիութենականների իրավագիտակցությունը, խթանել փոխգործակցությունը և նպաստել երիտասարդների մասնակցությամբ արհմիութենական շինարարությանն ու արհմիութենական շարժման ակտիվացմանը:
