Դեկտեմբերի 14-ին ՀԱՄԿ-ում նախատեսված էր անցկացնել Եռակողմ հանձնաժողովի նիստ, որը սակայն Հայաստանի գործատուների հանրապետական միության ներկայացուցիչների բացակայությամբ պայմանավորված, քվորում չլինելու պատճառով չկայացավ: Նիստի մասնակիցների որոշմամբ տեղի ունեցավ <Հայաստանի Հանրապետության աշխատանքային օրենսգրքում լրացում և փոփոխություններ կատարելու մասին>, <Արհեստակցական միությունների մասին> օրենքում փոփոխություններ և լրացումներ կատարելու մասին> և <Հայաստանի Հանրապետության քաղաքացիական դատավարության օրենսգրքում լրացում կատարելու մասին> օրենքների նախագծերի քննարկում:
 Քննարկմանը մասնակցում էին ՀԱՄԿ-ի նախագահ Էլեն Մանասերյանը, ՀԱՄԿ-ի նախագահի տեղակալ Բորիս Խարատյանը, Հայաստանի պետհիմնարկների, ՏԻՄ-երի աշխատողների արհմիության, Բուհերի արհեստակցական կազմակերպությունների ՃՀՄ-ի, Հայաստանի բանկերի և ֆինանսավարկային կազմակերպությունների աշխատողների արհեստակցական կազմակերպությունների ՃՀՄ-ի, Արդյունաբերության աշխատողների արհեստակցական կազմակերպությունների ՃՀՄ-ի, Առևտրի և հասարակական սննդի, սպառկոոպերացիայի և ձեռներեցության աշխատողների արհեստակցական կազմակերպությունների ՃՀՄ-ի նախագահները, Մշակույթի աշխատողների արհեստակցական կազմակերպությունների ՃՀՄ-ի նախագահի խորհրդական Ժանետա Թորոսյանը, ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանը, ՀՀ աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանը, Աշխատանքի և զբաղվածության վարչության աշխատանքի և աշխատանքի վարձատրության քաղաքականության բաժնի գլխավոր մասնագետ Արփինե Սարգսյանը, ՀՀ էկոնոմիկայի նախարարի տեղակալ Անի Իսպիրյանը, Կրթության, գիտության, մշակույթի և սպորտի նախարարության նախնական /արհեստագործական/ և միջին մասնագիտական կրթության վարչության պետի պարտականություններ կատարող Արմենուհի Պողոսյանը, ԱՄԿ ազգային համակարգող Նունե Հովհաննիսյանը:
 Քննարկման ընթացքում օրենքների նախագծերի վերաբերյալ եղան բազմաթիվ նոր առաջարկություններ: