Հայաստանի արհմիությունների կոնֆեդերացիան (ՀԱՄԿ) Աշխատանքի միջազգային կազմակերպության (ԱՄԿ) ֆինանսական  աջակցությամբ 2025թ․ մարտի 20-23-ը քաղաք Ծաղկաձորում կազմակերպել էր վերապատրաստման դասընթաց ոչ ֆորմալ տնտեսությունում աշխատողների կազմակերպման  վերաբերյալ ՀԱՄԿ-ին անդամակցող ճյուղային հանրապետական կազմակերպություններին անդամակցող արհմիութենականների համար։
Հիմնական դասընթացը վարում էր Լիտվայի Հանրապետության <<Սոլիդարումաս>> արհմիությունների կոնֆեդերացիայի նախագահ Քրիստինա Կրուպավիչենեն։
Քառօրյա դասընթացին մասնակցում էին նաև ԱՄԿ տարածաշրջանի աշխատողների հարցերով գլխավոր մասնագետ Գոչա Ալեքսանդրիան, ԱՄԿ Բուդապեշտի գրասենյակի գենդերային հավասարության և խտրականության բացառման գծով մասնագետ  Օզգե Բերբերը,  ԱՄԿ ազգային համակարգող Նունե Հովհաննիսյանը և ՀԱՄԿ-ի նախագահ Էլեն Մանասերյանը։
ՀԱՄԿ-ի նախագահի տեղակալ Տիրուհի Նազարեթյանը ներկայացրեց Հայաստանում ոչ ֆորմալ տնտեսությունը, առկա իրավիճակը, խնդիրները։
Մասնակիցներին ներկայացվեց նաև ոլորտը կարգավորող ՀՀ օրենսդրությունը, ԱՄԿ 189 կոնվենցիան և միջազգային այլ գործիքներ։ 
ՀԱՄԿ-ի նախագահը ներկայացրեց սոցիալական գործընկերության իրավիճակը ՀՀ-ում, առկա մարտահրավերները, ՀԱՄԿ-ի վերջին շրջանում ձեռքբերումները։
Մասնակիցները ծանոթացան կազմակերպելու, հաղորդակցման  հմտություններին խմբային աշխատանքների, դերախաղերի միջոցով, ծանոթացան նաև Լիտվայի արհմիությունների փորձին։ 
Դասընթացի ավարտին աշխատանքային խմբերը ներկայացրին իրենց պատկերացումները տնային աշխատողների, շինարարության և ագրոարդյունաբերության ոլորտների աշխատողների շրջանում հետագա աշխատանքների կազմակերպման վերաբերյալ։ Մասնակիցները առաջիկա ամիսներին կփորձեն կազմակերպել ոչ ֆորմալ տնտեսության վերոնշյալ ոլորտներում աշխատողների։