Աշխատանքի միջազգային կազմակերպությունը և Ամերիկայի Միացյալ Նահանգների կառավարությունը՝ ի դեմս ԱՄՆ Աշխատանքի դեպարտամենտի, 2020 թվականին համաձայնագիր են ստորագրել Հայաստանում զարգացման համագործակցության ծրագիր իրականացնելու վերաբերյալ։ PILRAT Ծրագրի աշխատանքը ղեկավարելու համար ստեղծվել է Խորհրդատվական կոմիտե (ԾԽԿ), որն ունի ծրագրի ռազմավարական կողմնորոշման վերաբերյալ խորհրդատվություն, ինչպես նաև ծրագրի իրականացման ուղղորդում տրամադրելու ընդհանուր լիազորություն: Հայաստանի արհմիությունների կոնֆեդերացիա ԾԽԿ անդամ է ի դեմս Հանքագործների, մետալուրգների և ոսկերիչների արհմիությունների ՃՀՄ-ի, Առողջապահության աշխատողների արհմիությունների ՃՀՄ-ի,  ՀԱՄԿ-ի նախագահի ղեկավարությամբ։  ԾԽԿ գործունեությունն իրականացվում է պարբերաբար իրականացվող հանդիպումների միջոցով։
Ծրագրի Խորհրդատվական Կոմիտեի  հաջորդ հերթական հանդիպումը տեղի ունեցավ  նոյեմբերի 16-ին ՄԱԿ-ի գրասենյակի շենքում:
ԾԽԿ անդամները լսեցին ծրագրի ընթացքի վերաբերյալ տեղեկատվություն, ինչպես նաև անդրադարձան ՀՀ-ում ստեղծված իրավիճակում առկա խնդիրներին ու մարտահրավերներին։ Ծրագիրը կշարունակվի ոչ ծախսային մասով, ավարտելու ծրագրված բոլոր գործողությունները։
ԾԽԿ նախագահ, ՀՀ Աշխատանքի և սոցիալական հարցերի փոխնախարար պարոն Ռուբեն Սարգսյանն անդրադարձավ  աշխատանքային վեճերի այլընտրանքային լուծման համակարգի՝ ՀՀ-ում ներդրման վերաբերյալ զարգացումներին։
ՀԱՄԿ նախագահ Է․ Մանասերյանն անդրադարձավ աշխատանքային վեճերով և հատկապես արհմիությունների իկրավունքների խախտումներով դատական գործերին, հիմնականում պատկան մարմինների կողմից իրազեկվածության պակասին և ուսուցման մոդելների ընդլայնմանը։
Անդրադարձ արվեց նաև Հայաստան-Եվրամիություն համապարփակ և ընդլայնված համաձայնագրի շրջանակներում ստեղծված մոնիտորինգային պլատֆորմի անդամների կողմից կատարված զեկույցների օգտագործմանը։