Կանանց միջազգային օրը քաղաքական, տնտեսական և սոցիալական ոլորտներում կանանց ձեռքբերումները բարձրաձայնելու և դրանք ևս մեկ անգամ արժևորելու առիթ է։
Այս օրը կանայք բոլոր մայրցամաքներից, որոնք հաճախ բաժանված են ազգային սահմաններով կամ էթնիկ, լեզվական, մշակութային, տնտեսական և քաղաքական տարբերություններով, հնարավորություն ունեն հավաքվելու և հիշելու ավանդույթը, որը ներկայացնում է առնվազն մի քանի տասնամյակ պայքար հանուն հավասարության, արդարության, խաղաղության և զարգացման։
Նույնիսկ մեր ժամանակներում կանայք բախվում են համակարգային անհավասարությունների, այդ թվում՝ աշխատուժի անհավասար մասնակցության, գենդերային աշխատավարձերի մշտական տարբերությունների, ոչ ֆորմալ հատվածներում գերներկայացվածության և աշխատավայրում ոտնձգությունների:
Ավելին, պոպուլիստական շարժումները և ավտորիտար ռեժիմները շարունակում են խաթարել կանանց հավասար առաջընթացը, որը ներառում է աշխատավայրում հավասար մասնակցություն, տնտեսական և քաղաքական հզորացում և կրթության հասանելիություն:
Աճող գլոբալ մարտահրավերների ֆոնին, համաշխարհային արհմիութենական շարժումը հաստատակամ է գենդերային հավասարության և կանանց իրավունքների իր հանձնառության մեջ: Մենք պետք է ավելացնենք մեր ջանքերը՝ աշխատանքի աշխարհում հավասարության հասնելու համար՝ որպես էական ներդրում խաղաղ և ժողովրդավարական հասարակություն ունենալու գործում:
Հայաստանի արհմիությունների կոնֆեդերացիան շնորհավորում է կանանց հավասար իրավունքների և հավասար հնարավորությունների հանձնառության առթիվ, մաղթում է արժանապատիվ աշխատանքային միջավայր և չխաթարվող ընտանեկան երջանկություն։
Ջերմորեն և սիրով,
Հայաստանի արհմիությունների կոնֆեդերացիա
