07 մարտի, 2022թ.
ք. Երևան
ԵՄ-ՀՀ «ՀԱՄԱՊԱՐՓԱԿ ԵՎ ԸՆԴԼԱՅՆՎԱԾ ԳՈՐԾԸՆԿԵՐՈՒԹՅԱՆ ՀԱՄԱՁԱՅՆԱԳՐԻ»
366-րդ հոդվածով նախատեսված Քաղաքացիական հասարակության պլատֆորմի արհմիությունների ներկայացուցիչ անդամների ընտրության արդյունքների մասին
Հայաստանի արհմիությունների կոնֆեդերացիայի նիստերի դահլիճում 2022թ. մարտի 4-ին տեղի ունեցավ մրցույթ «ԵՄ-ՀՀ «Համապարփակ և ընդլայնված գործընկերության Համաձայնագրի» 366-րդ հոդվածով նախատեսված քաղաքացիական հասարակության պլատֆորմի արհմիությունների մասով հայաստանյան կազմի ձևավորման»» Կարգի համաձայն:
Մրցույթին մասնակցում էին ընտրական հանձնաժողովի 22 անդամներից 19-ը:
Մրցույթին մասնակցության հայտ էին ներկայացրել երեք թեկնածուներ:
Ղեկավարվելով վերոնշյալ Կարգի 7-րդ մասի 4-րդ կետով՝ ընտրական հանձնաժողովը բաց քվեարկությամբ որոշեց Պլատֆորմում փոխարինող անձանց համար հայտարարել լրացուցիչ մրցույթ նույն պայմաններով:
Ընտրական հանձնաժողովը բաց քվեարկությամբ իր կազմից ընտրեց հաշվիչ հանձնաժողով՝
Շմավոն Մկրտչյան – նախագահ
Սրապիոն Առաքելյան – անդամ
Լիլիթ Կարապետյան - անդամ
Մրցույթն անցկացվեց փակ գաղտնի քվեարկությամբ: Քվեատուփում առկա քվեաթերթիկներից մեկը ճանաչվեց անվավեր:
Քվեարկության արդյունքում երեք թեկնածուներն էլ ստացան անցողիկ միավորներ /բալ/:
Մասնավորապես,
Աննա Բարիկյան -ներկայացված ՀԱՄԿ-ի աշխատակազմի արհեստակցական կազմակերպության կողմից - 84 բալ
Տիրուհի Նազարեթյան - ներկայացված Ագրոարդի համակարգի աշխատողների արհմիությունների ՃՀՄ կողմից - 82 բալ
Արսեն Իգիթյան - ներկայացված Հայաստանի պետհիմնարկների, ՏԻՄ-երի և հանրային ծառայությունների արհմիությունների ՃՀՄ կողմից - 79 բալ
Ընտրական հանձնաժողովը միաձայն հաստատեց քվեարկության արդյունքները:
