Հայաստանի արհմիությունների կոնֆեդերացիայի նախագահ Էլեն Մանասերյանը սեպտեմբերի 25-ին մասնակցեց «Լեռնային Ղարաբաղից տեղահանված փախստականների ճգնաժամի համատեքստում ոչ ֆորմալ զբաղվածության կանխումը և ֆորմալ զբաղվածությանը անցնելու խթանումը» ծրագրի մեկնարկն ազդարարող քննարկումներին։
Ծրագրի մեկնարկին ներկա էին ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանը, Հայաստանի գործատուների հանրապետական միության նախագահ Վահագն Համբարձումյանը, Հայաստանում ՄԱԿ-ի մշտական համակարգող Ֆրանսուազ Ժակոբը, ԱՄԿ Ֆորմալացման գործողությունների ծրագրի տնօրեն Ֆրեդերիկ Լապեյրը, Զբաղվածության հարցերով ավագ մասնագետ Կազուտոշի Չատանին և ԱՄԿ ազգային համակարգող Նունե Հովհաննիսյանը։ Ծրագիրն իրականացվում է Աշխատանքի միջազգային կազմակերպության հայաստանյան գրասենյակի նախաձեռնությամբ։
Պանելային քննարկման մասնակիցները խոսեցին ոչ ֆորմալ զբաղվածության կանխարգելման, ֆորմալ զբաղվածության հնարավոր խրախուսման և այս ամենի համատեքստում սոցիալական գործընկերության կարևորության մասին։
Հայաստանի արհմիությունների կոնֆեդերացիայի նախագահ Էլեն Մանասերյանը ընդգծեց բոլոր այն մարտահրավերները, որոնց բախվում ենք, նշելով որ դրանց լուծման ուղիները կրթությունից և մշակույթից մինչև իրավակարգավորումների և իրավապրակտիկայի ճիշտ կիրառումն են։
